കുട്ടിക്കുപ്പായമണിഞ്ഞ് ക്യൂട്ട് ആയി മസ്ക്, ചിത്രങ്ങൾ വൈറലാകുന്നു

ഇന്ത്യൻ വസ്ത്രത്തിൽ നൃത്തം ചെയ്യുന്ന ഇലോൺ മസ്കിന്റെ എഐ ചിത്രം വൈറലായതിന് പിന്നാലെ വീണ്ടും ആരാധക ഹൃദയം കീഴടക്കിയിരിക്കുകയാണ് കുട്ടിക്കുപ്പായമണിഞ്ഞെത്തിയ പുതിയ ചിത്രം. ശതകോടീശ്വരനായ ഇലോൺ മസ്കിന്റെ ഏറ്റവും പുതിയ എഐ ചിത്രമാണ് ഇപ്പോൾ സോഷ്യൽ മീഡിയ ഏറ്റെടുത്തിരിക്കുന്നത്. കുഞ്ഞു പ്രായത്തിലുള്ള മസ്കിന്റെ ചിത്രമാണ് ഒരു ട്വിറ്റർ ഉപഭോക്താവ് തന്റെ അക്കൗണ്ടിലൂടെ പങ്കുവെച്ചിരിക്കുന്നത്. ഈ ചിത്രത്തോട് മസ്ക് ഇതിനോടകം തന്നെ പ്രതികരിച്ചിട്ടുണ്ട്. പോസ്റ്റ് ചെയ്ത് നിമിഷങ്ങൾക്കകം ദശലക്ഷക്കണക്കിന് ആളുകളുടെ ശ്രദ്ധയാണ് കുഞ്ഞു മസ്കിന്റെ ചിത്രം പിടിച്ചുപറ്റിയത്.

തുടർച്ചയായ രണ്ടാം തവണയാണ് തന്റെ എഐ ചിത്രങ്ങളോട് മസ്ക് നേരിട്ട് പ്രതികരിക്കുന്നത്. ജെറോം പവലല്ല എന്ന ഉപഭോക്താവാണ് മസ്കിന്റെ ചിത്രം പുറത്തുവിട്ടത്. തവിട്ടും, വെള്ളയും നിറത്തിലുള്ള കുപ്പായമണിഞ്ഞ് കുഞ്ഞായാണ് മസ്കിനെ ചിത്രത്തിൽ കാണുന്നത്. ‘ഈ കൊച്ചു കുഞ്ഞിനെ ദത്തെടുത്തോട്ടെ, തയ്യാറാണോ?’ എന്ന തരത്തിലുള്ള ഒട്ടനവധി കമന്റുകൾ ചിത്രത്തിന് താഴെ നിമിഷങ്ങൾക്കകം എത്തിയിട്ടുണ്ട്. അതേസമയം, ഇത്തരം ചിത്രങ്ങൾ തയ്യാറാക്കാൻ ഉപയോഗിക്കുന്ന ആർട്ടിഫിഷ്യൽ ഇന്റലിജൻസ് ടൂളുകൾ ഇന്റർനെറ്റിൽ ഇതിനോടകം വലിയ രീതിയിൽ ജനപ്രീതി നേടിയിട്ടുണ്ട്.

Also Read: ഡോക്​ടറുടെ വീട്ടിൽ നിന്ന് സ്വ​ർ​ണ​വും പ​ണ​വും ക​വ​ർ​ന്നു: മോ​ഷ്ടാ​വി​ന്‍റെ ദൃ​ശ്യം സിസിടിവിയിൽ