ഗാന്ധിനഗര്‍: യുവാവിനെ കമ്പിവടി കൊണ്ട് തലക്കടിച്ച് കൊലപ്പെടുത്താന്‍ ശ്രമിച്ച കേസില്‍ രണ്ടുപേർ അറസ്റ്റിൽ. ആര്‍പ്പൂക്കര വാരിമുട്ടം ഭാഗത്ത് കുറ്റിക്കാട്ടുചിറയില്‍ ജോജിമോന്‍ ജോസ് (30), ആര്‍പ്പൂക്കര വില്ലൂന്നി കുളങ്ങരപറമ്പില്‍ അരുണ്‍ രവി (29) എന്നിവരെയാണ് അറസ്റ്റ് ചെയ്തത്. ഗാന്ധിനഗര്‍ പൊലീസ് ആണ് അറസ്റ്റ് ചെയ്തത്.
Read Also : കാറും ഓട്ടോറിക്ഷയും കൂട്ടിയിടിച്ച് അപകടം : രണ്ട് കന്യാസ്ത്രികളടക്കം മൂന്നു പേർക്ക് പരിക്ക്
കഴിഞ്ഞ രാത്രി 12-നു ആണ് കേസിനാസ്പദമായ സംഭവം. ഇവര്‍ കോട്ടയം മെഡിക്കല്‍ കോളജ് ആശുപത്രിക്ക് സമീപം ബാറിനു മുന്‍വശത്ത് തൊണ്ണംകുഴി സ്വദേശിയായ യുവാവിനെ ആക്രമിക്കുകയും കൈയിലിരുന്ന കമ്പിവടി ഉപയോഗിച്ച് തലയ്ക്കടിക്കുകയുമായിരുന്നു. യുവാവും ഇവരും തമ്മില്‍ മുന്‍ വൈരാഗ്യമുണ്ടായിരുന്നു. ഇതിന്‍റെ തുടര്‍ച്ചയെന്നോണമാണ് ആക്രമണം.
പരാതിയുടെ അടിസ്ഥാനത്തിൽ പൊലീസ് കേസ് രജിസ്റ്റര്‍ ചെയ്യുകയും. ഇവരെ പിടികൂടുകയുമായിരുന്നു. പ്രതികളെ കോടതിയിൽ ഹാജരാക്കി.
Post Your Comments