ചിങ്ങവനം: എംസി റോഡില്‍ നാട്ടകത്ത് എതിര്‍ദിശകളില്‍ നിന്നെത്തിയ പെട്ടി ഓട്ടോറിക്ഷയും കാറും കൂട്ടിയിടിച്ച് കാര്‍ ഡ്രൈവര്‍ക്കു പരിക്കേറ്റു.
പോളിടെക്‌നിക്ക് ഹോസ്റ്റലിന് സമീപം ഇന്നലെ ഉച്ചയ്ക്ക് 12.20-ന് ആണ് അപകടം നടന്നത്. കോട്ടയം ഭാഗത്തേക്ക് വേയ്‌സ്റ്റുമായി വരികയായിരുന്നു പെട്ടി ഓട്ടോറിക്ഷ. ഇടിയുടെ ആഘാതത്തില്‍ കാറിന്റെ മുന്‍വശം പൂര്‍ണമായി തകര്‍ന്ന‌ിട്ടുണ്ട്. കാറിനുള്ളില്‍ കുടുങ്ങിക്കിടന്ന ഡ്രൈവറെ നാട്ടുകാര്‍ ഏറെ ശ്രമപ്പെട്ടാണ് പുറത്തെടുത്തത്. ഇയാളെ ഉടന്‍ തന്നെ ജില്ലാ ജനറല്‍ ആശുപത്രിയില്‍ എത്തിച്ചു.
സംഭവത്തെത്തുടര്‍ന്ന് എംസി റോഡില്‍ ഉണ്ടായ ഗതാഗത തടസം ചിങ്ങവനം പൊലീസ് എത്തിയാണ് നീക്കിയത്. ഫയർഫോഴ്സും സ്ഥലത്തെത്തിയിരുന്നു.
Post Your Comments