70 ഗ്രാം എംഡിഎംഎയു​മാ​യി ര​ണ്ടു​പേ​ർ അറസ്റ്റിൽ

പേ​രൂ​ർ​ക്ക​ട: ബം​ഗ​ളൂ​രു​വി​ൽ ​നി​ന്ന് എ​ത്തി​ച്ച മ​യ​ക്കു​മ​രു​ന്നു​മാ​യി ര​ണ്ടു​പേ​ർ പൊലീസ് പിടിയിൽ. തി​രു​വ​ല്ലം സ്വ​ദേ​ശി സു​ഹൈ​ദ് ഇം​ത്യാ​സ് (22), മ​ണ​ക്കാ​ട് സ്വ​ദേ​ശി മു​ഹ​മ്മ​ദ് ഹ​സ​ൻ (23) എ​ന്നി​വ​രാ​ണ് പി​ടി​യി​ലാ​യ​ത്. ക​ര​മ​ന പൊ​ലീ​സും ഷാ​ഡോ സം​ഘ​വും സം​യു​ക്ത​മാ​യി ചേർന്നാണ് പി​ടി​കൂ​ടിയത്.

Read Also : ന്യുമോണിയ മാറാനെന്ന പേരിൽ പിഞ്ചുകുഞ്ഞുങ്ങളോട് മന്ത്രവാദികളുടെ കൊടുംക്രൂരത: ഇരുമ്പു പഴുപ്പിച്ച് ദേഹത്തുവെച്ച് പൊള്ളിച്ചു

ക​ര​മ​ന സ്റ്റേ​ഷ​ൻ പ​രി​ധി​യി​ൽ കി​ള്ളി​പ്പാ​ലം കി​ള്ളി ട​വ​ർ റൂം ​ന​മ്പ​ർ 112 നി​ന്നും ഏ​ക​ദേ​ശം 26 ഗ്രാം ​മ​യ​ക്കു​മ​രു​ന്നു​മാ​യാ​ണ് ഇ​വ​ർ പി​ടി​യി​ലാ​യ​ത്. സു​ഹൈ​ദി​ന്‍റെ തി​രു​വ​ല്ല​ത്തെ വീ​ട്ടി​ൽ ​നി​ന്നും ക​ണ്ടെ​ടു​ത്ത 44 ഗ്രാം ​മ​യ​ക്കു​മ​രു​ന്ന് ഉ​ൾ​പ്പെ​ടെ 70 ഗ്രാ​മാ​ണ് ഇ​പ്പോ​ൾ പി​ടി​കൂ​ടി​യി​ട്ടു​ള്ള​ത്.

ക​ഴി​ഞ്ഞ​യാ​ഴ്ച ബംഗളൂരുവിൽ ​പോ​യി കാ​സ​ർ​ഗോ​ഡ് സ്വ​ദേ​ശി​യാ​യ സ​മ​ദ് എ​ന്ന​യാ​ളു​ടെ പ​ക്ക​ൽ​നി​ന്നാ​ണ് മ​യ​ക്കു​മ​രു​ന്ന് വാ​ങ്ങി​യ​തെ​ന്ന് പ്ര​തി​ക​ൾ സ​മ്മ​തി​ച്ചു. അ​തേ​സ​മ​യം, ഇ​വ​ർ ര​ണ്ടു​പേ​രു​മാ​യും ഇ​ട​പാ​ട് ന​ട​ത്തി​യ മ​റ്റു സം​ഘ​ങ്ങ​ളെ​പ്പ​റ്റി പൊ​ലീ​സ് അ​ന്വേ​ഷ​ണം ന​ട​ത്തി​വ​രി​ക​യാ​ണ്. പ്ര​തി​ക​ളെ കോടതിയിൽ ഹാജരാക്കിയ ശേഷം റി​മാ​ൻ​ഡ് ചെ​യ്തു.