വൈക്കം: മുന്‍ വൈരാഗ്യം മൂലം യുവാവിനെ വടിവാള്‍ ഉപയോഗിച്ച് വെട്ടിക്കൊലപ്പെടുത്താന്‍ ശ്രമിച്ച കേസില്‍ രണ്ടുപേർ അറസ്റ്റിൽ. വെച്ചൂര്‍ തോട്ടപ്പള്ളി ഭാഗത്ത് മകയിരഭവന്‍ അര്‍ജുന്‍ (അപ്പു-22), വെച്ചൂര്‍ വെള്ളിയാംപള്ളില്‍ ബിജില്‍ (31) എന്നിവരെയാണ് പിടികൂടിയത്. വൈക്കം പൊലീസ് ആണ് ഇവരെ അറസ്റ്റ് ചെയ്തത്.
കഴിഞ്ഞ 25-നു രാത്രി ഇരുവരും ചേര്‍ന്ന് വൈക്കം സ്വദേശിയായ യുവാവിനെ വെച്ചൂര്‍ തോട്ടപ്പള്ളി ഭാഗത്ത് വച്ച് വടിവാള്‍ ഉപയോഗിച്ച് വെട്ടിക്കൊലപ്പെടുത്താന്‍ ശ്രമിക്കുകയായിരുന്നു. ഇവരും യുവാവും തമ്മില്‍ മുന്‍ വൈരാഗ്യമുണ്ടായിരുന്നു. ഇതിന്‍റെ തുടര്‍ച്ചയായിട്ടാണ് ഇവര്‍ യുവാവിനെ ആക്രമിച്ചത്.
പരാതിയെ തുടര്‍ന്ന്, വൈക്കം പൊലീസ് കേസ് രജിസ്റ്റര്‍ ചെയ്യുകയും തെരച്ചിലിനൊടുവില്‍ ഇരുവരെയും പിടികൂടുകയുമായിരുന്നു. പ്രതികളെ കോടതിയിൽ ഹാജരാക്കി.
Post Your Comments