ഏറ്റുമാനൂര്‍: ബാറിലുണ്ടായ തര്‍ക്കത്തെത്തുടര്‍ന്ന് യുവാവിനെ കൊലപ്പെടുത്താന്‍ ശ്രമിച്ച കേസില്‍ ഒരാൾ അറസ്റ്റിൽ. പേരൂര്‍ തെള്ളകം കരിമ്പനക്കാല സതീഷി(30)നെയാണ് അറസ്റ്റ് ചെയ്തത്. ഏറ്റുമാനൂര്‍ പൊലീസ് ആണ് ഇയാളെ അറസ്റ്റ് ചെയ്തത്.
കഴിഞ്ഞദിവസം ഇയാളും സുഹൃത്തുക്കളും ചേര്‍ന്ന് തെള്ളകത്തുള്ള ബാറിനുള്ളില്‍ വച്ച് യുവാവിനെ അസഭ്യം പറയുകയും പുറത്തുവച്ച് ഇയാളെ മര്‍ദ്ദിച്ചു കൊലപ്പെടുത്താന്‍ ശ്രമിക്കുകയുമായിരുന്നു.ബാറിനുള്ളില്‍ യുവാവ് ഇരുന്ന ടേബിളിനു സമീപം പ്രതികളില്‍ ഒരാള്‍ ഛര്‍ദിച്ചത് യുവാവ് ചോദ്യം ചെയ്തു. തുടര്‍ന്നുണ്ടായ വാക്കുതര്‍ക്കമാണ് ആക്രമണത്തില്‍ കലാശിച്ചത്.
കേസ് രജിസ്റ്റര്‍ ചെയ്ത ഏറ്റുമാനൂര്‍ പൊലീസാണ് പ്രതികളിലൊരാളായ സതീഷിനെ പിടികൂടിയത്. മറ്റു പ്രതികള്‍ക്കുവേണ്ടി തെരച്ചില്‍ ശക്തമാക്കിയതായി പൊലീസ് പറഞ്ഞു. എസ്എച്ച്ഒ പ്രസാദ് ഏബ്രഹാം വര്‍ഗീസിന്‍റെ നേതൃത്വത്തിലാണ് പ്രതിയെ പിടികൂടിയത്. പ്രതിയെ കോടതിയിൽ ഹാജരാക്കി.
Post Your Comments