ഓ​ട്ടോ ഡ്രൈ​വ​റെ ക​രി​ങ്ക​ല്ലു കൊ​ണ്ടു ത​ല​യ്ക്ക​ടി​ച്ചു കൊ​ല​പ്പെ​ടു​ത്താ​ന്‍ ശ്ര​മം : ര​ണ്ടു​പേ​ര്‍ പിടിയിൽ

തി​രു​വ​ന​ന്ത​പു​രം: ത​മ്പാ​നൂ​ര്‍ കെ​എ​സ്ആ​ര്‍​ടി​സി പ്രീ ​പെ​യ്ഡ് ഓ​ട്ടോ സ്റ്റാ​ന്‍​ഡി​ലെ ഡ്രൈ​വ​റെ ആ​ക്ര​മി​ച്ച് കൊ​ല​പ്പെ​ടു​ത്താ​ന്‍ ശ്ര​മി​ച്ച നാ​ലം​ഗ സം​ഘ​ത്തി​ലെ ര​ണ്ടു​പേ​ർ അറസ്റ്റിൽ. ഓ​ട്ടോ ഡ്രൈ​വ​ര്‍​മാ​രാ​യ നേ​മം എ​സ്റ്റേ​റ്റ് വാ​ര്‍​ഡി​ല്‍ പൂ​ഴി​ക്കു​ന്ന് മ​ണി​യ​ന്‍ നി​വാ​സി​ല്‍ സു​ജി​ത് (34), വി​ള​പ്പി​ല്‍ ചെ​റു​കോ​ട് നെ​ടു​മ​ങ്കു​ഴി അ​പ്സ​ര ഭ​വ​നി​ല്‍ സ​ച്ചു (31) എ​ന്നി​വ​രെ​യാ​ണ് അറസ്റ്റ് ചെയ്തത്. ത​മ്പാ​നൂ​ര്‍ പൊ​ലീ​സ് ആണ് ഇവരെ അ​റ​സ്റ്റ് ചെ​യ്ത​ത്.

Read Also : ആശുപത്രികളിലെ റഫറൽ സംവിധാനം ശക്തമാക്കാനൊരുങ്ങി എയിംസ്, രണ്ട് ആശുപത്രികൾ ഉടൻ ഏറ്റെടുത്തേക്കും

വെ​ള്ളി​യാ​ഴ്ച വൈ​കു​ന്നേ​രം ഏ​ഴ​ര​യ്ക്കാ​യി​രു​ന്നു കേസിനാസ്പദമായ സം​ഭ​വം. ത​മ്പാ​നൂ​ര്‍ ചൈ​ത്രം ഹോ​ട്ട​ലി​നു മു​ന്‍​വ​ശ​ത്ത് ഓ​ട്ടോ ഒ​തു​ക്കി വീ​ട്ടി​ലേ​ക്കു പോ​കാ​നാ​യി​ നി​ന്ന കാ​രാ​യ​ക്കാ​മ​ണ്ഡ​പം സ്വ​ദേ​ശി അ​ഷ​റ​ഫി​നെ നാ​ലം​ഗ സം​ഘം ക്രൂ​ര​മാ​യി മ​ര്‍​ദി​ക്കു​ക​യും ക​രി​ങ്ക​ല്ലു കൊ​ണ്ടു ത​ല​യ്ക്ക​ടി​ച്ചു കൊ​ല​പ്പെ​ടു​ത്താ​ന്‍ ശ്ര​മി​ക്കു​ക​യു​മാ​യി​രു​ന്നു. വ്യ​ക്തി​പ​ര​മായ ത​ര്‍​ക്ക​ങ്ങ​ളാ​ണ് ആ​ക്ര​മ​ണ​ത്തി​ലേക്ക് നയിച്ചത്.

സംഭവത്തിൽ യുവാവിന്റെ പരാതിയുടെ അടിസ്ഥാനത്തിൽ ആണ് പൊലീസ് കേസെടുത്ത് അന്വേഷണം നടത്തിയ പ്രതികളെ പിടികൂടിയത്. മറ്റ് രണ്ട് പ്രതികൾക്കായി അന്വേഷണം ശക്തമാക്കിയതായി പൊലീസ് അറിയിച്ചു. അറസ്റ്റിലായ പ്രതികളെ കോടതിയിൽ ഹാജരാക്കി.