അബുദാബി: എമിറേറ്റ്‌സ് ഐഡിയുടെ അപേക്ഷാ ഫോം നവീകരിച്ചു. നടപടിക്രമങ്ങൾ ലളിതവും കാര്യക്ഷമവുമാക്കിയതായും അധികൃതർ വ്യക്തമാക്കി. ദേശീയ തിരിച്ചറിയൽ കാർഡായ ഐഡന്റിറ്റി, സിറ്റിസൻഷിപ്, കസ്റ്റംസ് ആൻഡ് പോർട്ട് സെക്യൂരിറ്റി അതോറിറ്റിയാണ് ഇക്കാര്യം അറിയിച്ചത്. 7 ഭേദഗതികളാണ് പരിഷ്‌ക്കരിച്ച അപേക്ഷയിലുള്ളത്.
വലതുവശത്ത് നൽകിയിട്ടുള്ള ക്യൂആർ കോഡ് സ്‌കാൻ ചെയ്താൽ അപേക്ഷകന്റെ മുഴുവൻ വിവരങ്ങളും ലഭ്യമാകും. ഫോട്ടോ ഇടതുവശത്താണ് പതിക്കേണ്ടത്. പരാതിപ്പെടാനും വിരലടയാളം രേഖപ്പെടുത്താനും ക്യൂആർ കോഡുകൾ ഉണ്ട്. കമ്പനി മേൽവിലാസത്തിനു പുറമേ കാർഡ് ഡെലിവറി ചെയ്യുന്ന കുറിയർ കമ്പനിയുടെ വിവരവും ലഭിക്കും. അപേക്ഷയിലെ വിവരങ്ങൾ പരിഷ്‌ക്കരിക്കാനും വിരലടയാളം എടുക്കാൻ ലഭിച്ച തീയതിയും സമയവും മാറ്റാനും കഴിയുമെന്നും അധികൃതർ അറിയിച്ചു.
Post Your Comments