സ്കൂ​ട്ട​ർ നി​യ​ന്ത്ര​ണം വി​ട്ടു മ​റി​ഞ്ഞ് ഡീ​ക്ക​ൻ മ​രി​ച്ചു

പ​ത്ത​നം​തി​ട്ട: സ്കൂ​ട്ട​ർ നി​യ​ന്ത്ര​ണം വി​ട്ടു മ​റി​ഞ്ഞു​ണ്ടാ​യ അ​പ​ക​ട​ത്തി​ൽ ഓ​ർ​ത്ത​ഡോ​ക്സ് സ​ഭ ഡീ​ക്ക​ൻ മ​രി​ച്ചു. റാ​ന്നി മാ​ന്നാ​ക്കു​ഴി​യി​ൽ ഫാ. ​എം.​വി. മാ​ത്യൂ​സി​ന്‍റെ മ​ക​ൻ ഡീ​ക്ക​ൻ ബെ​നോ​ജി മാ​ത്യൂ​സാ(45)​ണ് മ​രി​ച്ച​ത്.

പി​എം റോ​ഡി​ൽ മൈ​ല​പ്ര പ​ള്ളി​പ്പ​ടി​ക്കും ജം​ഗ്ഷ​നും മ​ധ്യേ​യു​ള്ള ഭാ​ഗ​ത്ത് തി​ങ്ക​ളാ​ഴ്ച ഉ​ച്ച​യ്ക്ക് 1.45-ന് ആണ്​ അ​പ​ക​ട​മു​ണ്ടാ​യ​ത്. പ​ത്ത​നാ​പു​രം മൗ​ണ്ട് താ​ബോ​ർ ഹ​യ​ർ സെ​ക്ക​ൻ​ഡ​റി സ്കൂ​ൾ അ​ധ്യാ​പ​ക​ൻ കൂ​ടി​യാ​യ ഡീ​ക്ക​ൻ സ്കൂ​ളി​ൽ ​നി​ന്നു വീ​ട്ടി​ലേ​ക്കു മ​ട​ങ്ങും​വ​ഴി​യാ​ണ് അ​പ​ക​ടം നടന്നത്. യാ​ത്ര​യ്ക്കി​ടെ വാ​ഹ​നം നി​യ​ന്ത്ര​ണം​വി​ട്ടു റോ​ഡ​രി​കി​ലെ പ​ഴ​യ ക​ലു​ങ്കി​ന്‍റെ കു​ഴി​യി​ലേ​ക്കു മ​റി​യു​ക​യാ​യി​രു​ന്നു. പി​എം റോ​ഡി​ൽ നി​ർ​മാ​ണം പൂ​ർ​ത്തി​യാ​ക്കാ​നു​ള്ള ഭാ​ഗ​മാ​ണി​ത്.

Read Also : ആഗോള ഉത്തരവാദിത്വ ടൂറിസം ഉച്ചകോടി ഫെബ്രുവരി 25 മുതൽ ആരംഭിക്കും, വേദിയാകാനൊരുങ്ങി കുമരകം

അ​പ​ക​ട​ത്തി​നി​ടെ ഹെ​ൽ​മ​റ്റ് തെ​റി​ച്ചു​പോ​യ​തോ​ടെ ത​ല​യ്ക്കു സാ​ര​മാ​യി പ​രി​ക്കേ​റ്റു കി​ട​ന്ന ഡീ​ക്ക​ൻ ബെ​നോ​ജി​യെ അ​തു​വ​ഴി​യെ​ത്തി​യ ജീ​പ്പി​ൽ ഉ​ട​ൻ​ത​ന്നെ പ​ത്ത​നം​തി​ട്ട ജ​ന​റ​ൽ ആ​ശു​പ​ത്രി​യി​ൽ എ​ത്തി​ച്ചു. ത​ല​യ്ക്കേ​റ്റ പ​രി​ക്കു ഗു​രു​ത​ര​മെ​ന്നു ക​ണ്ട​തോ​ടെ ആം​ബു​ല​ൻ​സി​ൽ പ​രു​മ​ല ആ​ശു​പ​ത്രി​യി​ലേ​ക്കു കൊ​ണ്ടു​പോ​യി. തുടർന്ന്, ചികിത്സയിലിരിക്കെ വൈ​കു​ന്നേ​ര​ത്തോ​ടെ മ​രി​ച്ചു.

മൃ​ത​ദേ​ഹം പ​രു​മ​ല ആ​ശു​പ​ത്രി​ മോ​ർ​ച്ച​റി​യി​ൽ സൂക്ഷിച്ചിരിക്കുകയാണ്. സം​സ്കാ​രം പി​ന്നീ​ട് നടക്കും.