പ​രു​ന്തി​ന്റെ ആ​ക്ര​മ​ണം:തേ​നീ​ച്ച​ക്കൂ​ട് താ​ഴെ വീണു, തേ​നീ​ച്ച​ക​ളു​ടെ കു​ത്തേ​റ്റ് വ​യോ​ധി​ക​ന് ഗു​രു​ത​ര പ​രി​ക്ക്

ചാ​ല​ക്കു​ടി: മേ​ലൂ​രി​ൽ തേ​നീ​ച്ച​ക​ളു​ടെ ആ​ക്ര​മ​ണ​ത്തി​ൽ വ​യോ​ധി​ക​ന് ഗു​രു​ത​ര പ​രി​ക്ക്. ചാ​ല​ക്കു​ടി ശാ​സ്താം​കു​ന്ന് പ്ലാം​കു​ടി വീ​ട്ടി​ൽ മ​ണി​ക്ക് (75) ആ​ണ് സാ​ര​മാ​യ പ​രി​ക്കേ​റ്റ​ത്. സ​ഹാ​യി​ക്കാ​നെ​ത്തി​യ നി​ര​വ​ധി പേ​ർ​ക്കും അപകടത്തിൽ പ​രി​ക്കേ​റ്റു.

Read Also : കൈയിൽ മുറിവുണ്ടാക്കി ലഹരിമരുന്ന് ഉപയോഗം, തുടങ്ങിയത് ഏഴാം ക്ലാസ്സിൽ പഠിക്കുമ്പോൾ: പെൺകുട്ടിയുടെ വെളിപ്പെടുത്തൽ

ശ​നി​യാ​ഴ്ച ഉ​ച്ച​യ്ക്ക് ഒ​രു മ​ണി​യോ​ടെ​യാ​ണ് സം​ഭ​വം. പ​രു​ന്തി​ന്റെ ആ​ക്ര​മ​ണ​ത്തി​ൽ വ​ഴി​യ​രി​കി​ലെ മ​ര​ത്തി​ലെ തേ​നീ​ച്ച​ക്കൂ​ട് താ​ഴേ​ക്ക് അ​ട​ർ​ന്നു​വീ​ഴു​ക​യാ​യി​രു​ന്നു. വ​സ്തു ബ്രോ​ക്ക​റാ​യ മ​ണി ഈ ​സ​മ​യ​ത്താ​ണ് അ​തി​ലൂ​ടെ ന​ട​ന്നു​പോ​യ​ത്. തേ​നീ​ച്ച​ക​ൾ ഇ​ദ്ദേ​ഹ​ത്തെ കൂ​ട്ട​മാ​യി ആ​ക്ര​മി​ച്ചു. ഇ​യാ​ളു​ടെ നി​ല​വി​ളി​കേ​ട്ട് ഓ​ടി​യെ​ത്തി​യ പ്ര​ദേ​ശ​വാ​സി​ക​ളെയും തേ​നീ​ച്ച​ക​ൾ ആക്രമിച്ചു. ശ​ക്ത​മാ​യ ആ​ക്ര​മ​ണ​ത്തെ തു​ട​ർ​ന്ന് ഇ​വ​ർ പി​ന്തി​രി​ഞ്ഞോ​ടി.

പ്ര​ദേ​ശ​ത്തെ വീ​ടു​ക​ളി​ലെ താ​മ​സ​ക്കാ​ർ വാ​തി​ലും ജ​ന​ലും അ​ട​ച്ച് സു​ര​ക്ഷി​ത​രാ​യി. തു​ട​ർ​ന്ന്, ഹെ​ൽ​മ​റ്റും റെ​യി​ൻ​കോ​ട്ടും ധ​രി​ച്ച് ഏ​താ​നും​പേ​ർ തി​രി​ച്ചെ​ത്തിയാണ് മ​ണി​യെ ര​ക്ഷ​പ്പെ​ടു​ത്തിയത്. ഇ​വ​ർ ചൂ​ട്ട് ക​ത്തി​ച്ച് തേ​നീ​ച്ച​ക​ളെ ഒ​തു​ക്കി. അ​പ്പോ​ഴേ​ക്കും മ​ണി അവശനായി നി​ല​ത്ത് കി​ട​ക്കു​ക​യാ​യി​രു​ന്നു. ഇ​ദ്ദേ​ഹ​ത്തി​ന്റെ ചെ​വി​യി​ലേ​ക്കും മ​റ്റും നി​ര​വ​ധി തേ​നീ​ച്ച​ക​ൾ ക​ട​ന്നു.

ഉടനടി ആം​ബു​ല​ൻ​സി​ൽ ചാ​ല​ക്കു​ടി താ​ലു​ക്ക് ആ​ശു​പ​ത്രി​യി​ലെ​ത്തി​ച്ചു. തേ​നീ​ച്ച​ക​ളെ ചെ​വി​യി​ൽ​നി​ന്ന് അ​ടി​യ​ന്ത​ര​മാ​യി നീ​ക്കം ചെ​യ്തു. തുടർന്ന്, വി​ദ​ഗ്ധ ചി​കി​ത്സ​യ്ക്ക് വേ​ണ്ടി മെ​ഡി​ക്ക​ൽ കോ​ള​ജി​ലേ​ക്ക് കൊ​ണ്ടു​പോ​യി.