ഈരാറ്റുപേട്ട: കക്കൂസ് മാലിന്യം തോട്ടിൽ തള്ളി കടന്നുകളഞ്ഞ മൂന്നുപേർ പൊലീസ് പിടിയിൽ. ആലപ്പുഴ തൈക്കാട്ടുശേരി സ്വദേശികളായ തോട്ടുചിറയില്‍ സിജു (35), പുത്തന്‍വെളി വിനീത് (കുട്ടന്‍-27), കണിയംവെളി കെ. സജീവ് (41) എന്നിവരെയാണ് അറസ്റ്റ് ചെയ്തത്. ഈരാറ്റുപേട്ട പൊലീസ് ആണ് ഇവരെ അറസ്റ്റ് ചെയ്തത്.
Read Also : രണ്ടു വർഷമായി ചിന്തയുടെ താമസം കുറഞ്ഞ ദിവസ വാടക 6490 രൂപയുള്ള റിസോർട്ടിൽ, പരാതി നൽകി
കഴിഞ്ഞ ദിവസം പുലര്‍ച്ചെ 12.30-നു ആണ് കേസിനാസ്പദമായ സംഭവം. ഇവര്‍ തലപ്പലം കീഴമ്പാറ ഭാഗത്ത് മീനച്ചിലാറ്റിലേക്കുള്ള കൈത്തോട്ടില്‍ ടാങ്കര്‍ ലോറിയില്‍ നിന്നു കക്കൂസ് മാലിന്യം തള്ളിയ ശേഷം കടന്നുകളയുകയായിരുന്നു. തുടർന്ന്, പൊലീസ് ഇവരെ പിന്തുടര്‍ന്ന് പിടികൂടുകയായിരുന്നു.
എസ്എച്ച്ഒ ബാബു സെബാസ്റ്റ്യന്‍, എസ്‌ഐ വി.വി. വിഷ്ണു, ഷാബുമോന്‍ ജോസഫ്, സിപിഒമാരായ കെ.ആര്‍. ജിനു, ശ്യാം കുമാര്‍ എന്നിവര്‍ ചേര്‍ന്നാണ് പ്രതികളെ അറസ്റ്റ് ചെയ്തത്. പ്രതികളെ കോടതിയിൽ ഹാജരാക്കി.
Post Your Comments