ഒരു ദശാബ്ദത്തിന് ശേഷമുളള പടിയിറക്കം, ഷവോമിയിൽ നിന്നും രാജിവെച്ച് മനു കുമാർ ജെയ്ൻ

ഒരു ദശാബ്ദക്കാലം സേവനമനുഷ്ഠിച്ച ശേഷം ഷവോമിൽ നിന്നും പടിയിറങ്ങി മനു കുമാർ ജെയ്ൻ. ചൈനീസ് സ്മാർട്ട്ഫോൺ നിർമ്മാതാക്കളായ ഷവോമിക്ക് ഇന്ത്യയിൽ ശക്തമായ അടിത്തറ ഉണ്ടാക്കിയെടുത്ത പ്രമുഖരിൽ ഒരാളാണ് മനു കുമാർ ജെയ്ൻ. 9 വർഷത്തിനുശേഷം ജോലിയിൽ നിന്നും വിടവാങ്ങുന്നത് ട്വിറ്റർ മുഖാന്തരമാണ് മനു കുമാർ ജെയ്ൻ അറിയിച്ചിരിക്കുന്നത്. നിലവിൽ, കമ്പനിയുടെ ആഗോള വൈസ് പ്രസിഡന്റ് സ്ഥാനം അലങ്കരിക്കുന്നതിനിടെയാണ് വിടവാങ്ങൽ.

2014- ലാണ് മനു കുമാർ ജെയ്ൻ ഷവോമിയിലെ ജോലിയിൽ പ്രവേശിച്ചത്. 2021 വരെ ഇന്ത്യയിലെ മേധാവിയായിരുന്നു അദ്ദേഹം. മനു കുമാർ ജെയ്ൻ മേധാവിയായിരുന്ന കാലഘട്ടത്തിൽ ഏകദേശം 5000- ലധികം തൊഴിലവസരങ്ങളാണ് സൃഷ്ടിച്ചത്. ജോലിയിൽ നിന്നും വിടവാങ്ങിയ ശേഷം സ്റ്റാർട്ടപ്പ് രംഗത്തേക്ക് കൂടുതൽ ശ്രദ്ധ പതിപ്പിക്കാനാണ് അദ്ദേഹത്തിന്റെ നീക്കം. മുൻ ജാബോംഗ് എന്ന സ്റ്റാർട്ടപ്പിന്റെ സ്ഥാപകൻ കൂടിയായിരുന്നു മനു കുമാർ ജെയ്ൻ.

Also Read: വീ​ടി​നോ​ടു ചേ​ർ​ന്ന് ക​ഞ്ചാ​വു ചെ​ടി ന​ട്ടു​വ​ള​ർ​ത്തി : യുവാവ് അറസ്റ്റിൽ