മദ്യം കാറിൽ കടത്തുന്നതിനിടെ രണ്ടു പേർ എക്സൈസ് പിടിയിൽ

ബദിയടുക്ക: ഗോവ നിർമിത മദ്യം കാറിൽ കടത്തുന്നതിനിടെ രണ്ടുപേർ എക്സൈസ് സംഘത്തിന്റെ പിടിയിൽ. കല്ലകട്ടയിലെ സച്ചിൻ (35), മാന്യ കാർമാറിലെ സതീശൻ (34) എന്നിവരെയാണ് എക്സൈസ് സംഘം പിടികൂടിയത്.

Read Also : വര്‍ക്ക് ഷോപ്പ് കേന്ദ്രീകരിച്ച് മയക്കുമരുന്ന് വില്‍പ്പന : നെടുങ്കണ്ടത്ത് യുവാവ് പിടിയില്‍

വാഹന പരിശോധനക്കിടെ നിർത്താതെ പോയ കാർ പിന്തുടർന്ന് ഗോളിയടുക്കയിൽ ബദിയടുക്ക റെയ്ഞ്ച് എക്സൈസ് സംഘം പിടികൂടുകയായിരുന്നു. 129.6 ലിറ്റർ ഗോവ നിർമിത മദ്യം കണ്ടെടുത്തു. പ്രതികൾ സഞ്ചരിച്ച കാറും കസ്റ്റഡിലെടുത്തിട്ടുണ്ട്.

പ്രതികളെ അറസ്റ്റ് ചെയ്ത് കോടതിയിൽ ഹാജരാക്കി.