ഉപഭോക്താക്കളുടെ കാത്തിരിപ്പിന് വിരാമമിട്ട് ജനപ്രിയ വീഡിയോ കോളിംഗ് ആപ്പായ ഗൂഗിൾ മീറ്റ്. ഉപഭോക്താക്കൾക്ക് മികച്ച അനുഭവം നൽകുന്നതിന്റെ ഭാഗമായി വീഡിയോ കോളിംഗിനിടയിൽ ഇമോജികൾ ഉപയോഗിക്കാനുള്ള അവസരമാണ് ഉപയോക്താക്കൾക്ക് ലഭിക്കുക. കഴിഞ്ഞ വർഷമാണ് വീഡിയോ കോളിംഗിനിടയിൽ ഇമോജി ഉൾപ്പെടുത്തുന്നതുമായി ബന്ധപ്പെട്ട ഫീച്ചർ ഗൂഗിൾ പ്രഖ്യാപിച്ചത്.
ഗൂഗിൾ മീറ്റിൽ ഓഡിയോ ഓഫ് ആണെങ്കിലും, ഇമോജി ഉപയോഗിക്കാൻ സാധിക്കുമെന്നതാണ് പ്രധാന പ്രത്യേകത. കൂടാതെ, ഇമോജികളുടെ നിറം മാറ്റാനും കഴിയും. ആദ്യ ഘട്ടത്തിൽ വെബിലൂടെ ഗൂഗിൾ മീറ്റ് ഉപയോഗിക്കുന്നവർക്കും, ഐഒഎസിലുമാണ് ഈ ഫീച്ചർ ലഭിക്കുക. അതേസമയം, ആൻഡ്രോയ്ഡ് ഉപയോക്താക്കൾക്ക് ഈ ഫീച്ചർ ലഭിക്കുന്നതിനായി കാത്തിരിപ്പ് തുടരേണ്ടിവരും. ഗൂഗിൾ മീറ്റ് കൂടുതൽ ജനപ്രിയമാക്കുന്നതിന്റെ ഭാഗമായി ഒട്ടനവധി ഫീച്ചറുകൾ ഇതിനോടകം തന്നെ ഗൂഗിൾ അവതരിപ്പിച്ചിട്ടുണ്ട്.
Also Read: ഇനി വർക്ക് ഫ്രം ഹോം ഇല്ല, മുഴുവൻ ജീവനക്കാരോടും ഓഫീസുകളിൽ മടങ്ങിയെത്താൻ ആവശ്യപ്പെട്ട് ടിസിഎസ്
Post Your Comments