കോഴിക്കോട്: പരീക്ഷ സമ്പ്രദായത്തിൽ കാലോചിത മാറ്റങ്ങൾ കൊണ്ടുവരുമെന്നും പഠന-പാഠ്യേതര മികവിന്റെയും സൗകര്യങ്ങളുടെയും അടിസ്ഥാനത്തിൽ സ്കൂളുകൾക്ക് ഗ്രേഡിങ് ഏർപ്പെടുത്തുമെന്നും വിദ്യാഭ്യാസ മന്ത്രി വി ശിവൻകുട്ടി.
‘അക്കാദമിക മികവും പാഠ്യേതര രംഗത്തെ നേട്ടങ്ങളും അടിസ്ഥാന സൗകര്യങ്ങളിലെ മുൻതൂക്കവും അധ്യാപകരുടെ പ്രകടനവും അച്ചടക്കവും പരിഗണിച്ച് സ്കൂളുകൾക്ക് ഗ്രേഡ് നൽകുന്ന കാര്യം സർക്കാറിന്റെ സജീവ പരിഗണനയിലാണ്. അധ്യാപക സംഘടനകളോടും വിദ്യാഭ്യാസ വിദഗ്ധരോടും കൂടിയാലോചിച്ചാണ് ഗ്രേഡിങ് നടപ്പാക്കുക. കുറഞ്ഞ ഗ്രേഡ് കിട്ടുന്ന സ്കൂളുകൾ മികച്ച ഗ്രേഡ് കിട്ടാനായി പരിശ്രമിക്കുമ്പോൾ വിദ്യാഭ്യാസ രംഗത്ത് ആരോഗ്യകരമായ മത്സരമുണ്ടാകും,’ ശിവൻകുട്ടി വ്യക്തമാക്കി.
പ്രമേഹം പിടിപെടുന്നത് തടയാനിതാ ആറ് മാര്‍ഗങ്ങള്‍…
‘പരീക്ഷ സമ്പ്രദായത്തിലും വലിയ മാറ്റങ്ങൾ കൊണ്ടുവരുന്നത് പരിഗണനയിലാണ്. ദേശീയ വിദ്യാഭ്യാസ നിലവാര സൂചികയിൽ കേരളം ഏറ്റവും പുതിയ റിപ്പോർട്ടിലും മുന്നിലാണ്. അത് യാദൃച്ഛികമായി സംഭവിച്ചതല്ല. ആസൂത്രണത്തോടെ കേരളം നടത്തിയ പരിശ്രമങ്ങളുടെ ഫലമാണ്,’ മന്ത്രി കൂട്ടിച്ചേർത്തു.
Post Your Comments