വൈക്കം: റോഡിൽ വീണ എണ്ണയിൽ തെന്നി ബൈക്ക് മറിഞ്ഞ് ബൈക്ക് യാത്രക്കാർക്ക് പരിക്കേറ്റു. അരയൻകാവ് സ്വദേശികളായ വിഷ്ണു (28), രാജേഷ് (26) എന്നിവർക്കാണ് പരിക്കേറ്റത്.
തലയോലപ്പറമ്പ് വെട്ടിക്കാട്ടുമുക്ക് പാലത്തിനുസമീപം ഇന്നലെ രാവിലെ 11.30 ഓടെയായിരുന്നു സംഭവം. ലോറിയിൽനിന്നും ചോർന്നു വീണ എണ്ണയിൽ തെന്നി നിരവധി ഇരുചക്രവാഹനങ്ങളാണ് റോഡിൽ മറിഞ്ഞു വീണത്.
Read Also : ഇന്ന് അത്തം, പൊന്നോണത്തെ വരവേൽക്കാൻ നാടും നാട്ടാരും ഒരുങ്ങി, തൃപ്പൂണിത്തുറ അത്തച്ചമയം ആരംഭം
തുടർന്ന്, കടുത്തുരുത്തിയിൽ നിന്നും സീനിയർ ഫയർ റെസ്ക്യൂ ഓഫീസർ ടി.എം. അലക്സ് ഫയർ റെസ്ക്യൂ ഓഫീസർ ജോബിൻ ജോസഫ് എന്നിവരുടെ നേതൃത്വത്തിൽ അഗ്നിശമന യൂണിറ്റെത്തി ഏറെ നേരം ശ്രമിച്ചതിനെ തുടർന്നാണ് എണ്ണ കഴുകി കളഞ്ഞത്. പിന്നീട് റോഡിൽ അറക്കപ്പൊടി വിതറി. എണ്ണ റോഡിൽ വീണതിനെത്തുടർന്ന്, തലപ്പാറ- എറണാകുളം റോഡിൽ 30 മിനിട്ടോളം ഗതാഗതം ഭാഗികമായി തടസപ്പെട്ടു.
Post Your Comments