പെരുവ: കാറും സ്കൂട്ടറും കൂട്ടിയിടിച്ചുണ്ടായ അപകടത്തിൽ രണ്ടു യുവാക്കൾക്ക് ഗുരുതര പരിക്കേറ്റു. സ്കൂട്ടർ യാത്രക്കാരായ പിറവം സ്വദേശി നെടുംതുരുത്തിൽ ഹരികൃഷണൻ, അഭിജിത് എന്നിവർക്കാണ് പരിക്കേറ്റത്.
ഇന്നലെ ഉച്ചകഴിഞ്ഞ് 2.30ന് വൈക്കം – തൊടുപുഴ റോഡിൽ മൂർക്കാട്ടിപടി കൃഷിഭവന് സമീപം വളവിലാണ് അപകടമുണ്ടായത്. വൈക്കം ഭാഗത്തു നിന്നും പിറവത്തേക്കു പോവുകയായിരുന്ന സ്കൂട്ടറും പെരുവയിൽ നിന്നും മാന്നാറിലെ വീട്ടിലേക്കു പോവുകയായിരുന്ന കുടുംബം സഞ്ചരിച്ചിരുന്ന കാറും തമ്മിലാണ് കൂട്ടിയിടിച്ചത്.
Read Also : ഓട്ടോയിൽ കയറവെ അമ്മയുടെ കൺമുന്നിൽ ആറു വയസുകാരി കാറിടിച്ച് മരിച്ചു
കാലിനും കൈയ്ക്കും ഗുരുതര പരിക്കേറ്റ ഇരുവരെയും ഉടൻ തന്നെ നാട്ടുകാർ പൊതിയിലെ ആശുപത്രിയിലും തുടർന്ന്, തെള്ളകത്തെ ആശുപത്രിയിലും പ്രവേശിപ്പിച്ചു. സംഭവസ്ഥലത്തെത്തിയ വെള്ളൂർ പൊലീസ് മേൽനടപടികൾ സ്വീകരിച്ചു.
Post Your Comments