ഇലക്ട്രോണിക് ഉൽപ്പന്നങ്ങൾക്ക് പൊതു ചാർജർ, പുതിയ മാറ്റത്തിലേക്ക് നീങ്ങാനൊരുങ്ങി ഇന്ത്യ

ഉൽപ്പന്നങ്ങൾക്ക് പൊതു ചാർജർ എന്ന ആശയവുമായി രംഗത്തെത്തിയിരിക്കുകയാണ് ഇന്ത്യയും. മൊബൈൽ ഫോൺ, ടാബ്‌ലറ്റ്, ലാപ്ടോപ്പ് തുടങ്ങിയ ഇലക്ട്രോണിക് ഉൽപ്പന്നങ്ങൾക്കായിരിക്കും പൊതു ചാർജർ ഉൾപ്പെടുത്തുക. ഓരോ ഉപകരണങ്ങൾക്കും ഓരോ ചാർജർ എന്ന സംവിധാനം ഇ- വേസ്റ്റിന്റെ തോത് കൂട്ടുന്നുണ്ടെന്ന് കണ്ടെത്തിയതിനെ തുടർന്നാണ് പുതിയ നടപടികൾ സ്വീകരിക്കുന്നത്.

വിപണിയിലെ പല ബ്രാൻഡുകളുടെയും ചാർജറുകൾ തമ്മിൽ ഏകീകരണം ഇല്ലാത്തതിനാൽ ഉപഭോക്താക്കൾക്ക് പല ചാർജറുകൾ ഉപയോഗിക്കേണ്ട അവസ്ഥയാണ് ഉള്ളത്. കൂടാതെ, ചാർജിംഗ് പോർട്ടിന്റെ വ്യത്യാസം കാരണം പുതിയ ചാർജർ വാങ്ങുന്നവരും നിരവധിയാണ്. എന്നാൽ, പുതിയ സംവിധാനം നിലവിൽ വരുന്നതോടെ ഈ പ്രതിസന്ധി മറികടക്കാൻ സാധിക്കും എന്നാണ് വിലയിരുത്തൽ.

Also Read: ഹാ​ഷി​ഷ് ഓ​യി​ലു​മാ​യി മ​ദ്ര​സ അ​ധ്യാ​പ​ക​നും സു​ഹൃ​ത്തും അറസ്റ്റിൽ

എല്ലാ ഉപകരണത്തിനും ഒരേ ചാർജറുകൾ നിർമ്മിക്കുന്നതിന്റെ ഭാഗമായി ഈ മാസം 17 ന് കേന്ദ്ര ഉപഭോക്തൃ മന്ത്രാലയം വ്യവസായ പ്രതിനിധികളുടെ യോഗം വിളിച്ചു ചേർത്തിട്ടുണ്ട്. ഈ യോഗത്തിൽ ചാർജറുമായി ബന്ധപ്പെട്ടുള്ള തീരുമാനങ്ങൾ അറിയിക്കും.