തിരുവനന്തപുരം: കെ.എസ്.ആർ.ടി.സി ബസിൽ വെച്ച് ലൈംഗികാതിക്രമം നടത്തിയെന്ന പരാതിയുമായി യുവതി. ബസിൽവെച്ച് കടന്നുപിടിക്കാൻ ശ്രമിച്ചയാൾക്കെതിരെ പരാതിയുമായി സാമൂഹികപ്രവർത്തകയായ യുവതി പൊലീസിനെ സമീപിച്ചു. ബസില്‍ വച്ച്‌ ആക്രമിച്ച യാത്രക്കാരനും ഇയാളെ രക്ഷപ്പെടാന്‍ സഹായിച്ചെന്ന് ആരോപിച്ച്‌ ബസ് ഡ്രൈവര്‍ക്കുമെതിരെയുമാണ് പരാതി. തിരുവനന്തപുരത്ത് നിന്ന് നെയ്യാറ്റിന്‍കരയിലേക്ക് പോകും വഴി കഴിഞ്ഞ ദിവസം രാത്രിയായിരുന്നു സംഭവം.
Read Also: സ്വപ്‌ന ശബ്ദരേഖ പുറത്തുവിട്ടതിന് പിന്നാലെ കോടിയേരിയുടെ വാര്‍ത്താസമ്മേളനം
തിരക്കേറിയ ബസിൽ തൊട്ടരികിൽ നിന്നയാൾ തന്നെ കടന്നു പിടിക്കുകയായിരുന്നു. യുവതി ബഹളം വെച്ചപ്പോള്‍ അക്രമിയെ തടയാന്‍ കണ്ടക്ടര്‍ ശ്രമിച്ചെങ്കിലും, ഡ്രൈവര്‍ ബസിന്റെ വേഗം കുറച്ച്‌ പ്രതിയെ രക്ഷപ്പെടാന്‍ സഹായിച്ചു’- യുവതി ആരോപിക്കുന്നു. ബസിൽ നേരിട്ട ദുരനുഭവത്തെക്കുറിച്ച് യുവതി ഫേസ്ബുക്ക് പോസ്റ്റിലൂടെ വ്യക്തമാക്കിയിരുന്നു. തുടർന്നാണ് യുവതി ബാലരാമപുരം പൊലീസിൽ പരാതി നൽകിയത്.
Post Your Comments