തൊടുപുഴ: ഇടുക്കി ജില്ലയിൽ വൈറൽ പനി വ്യാപകമാകുന്നുവെന്ന് ജില്ലാ ഭരണകൂടത്തിന്റെ മുന്നറിയിപ്പ്. കഴിഞ്ഞ നാല് ദിവസങ്ങള്‍ കൊണ്ട് ജില്ലയില്‍ 906 പേരാണ് പനി ബാധിച്ച്‌ സര്‍ക്കാര്‍ ആശുപത്രികളില്‍ ചികിത്സ തേടിയത്. ഇത് ജില്ലയിലെ തന്നെ ഏറ്റവും ഉയർന്ന കണക്കാണ്.
Also Read:ഷംനാദ് ഭാരതിന് വിശിഷ്ട സേവാ പുരസ്‌കാരം
സ്വകാര്യ ആശുപത്രികളിൽ ചികിത്സ തേടിയവരുടെ എണ്ണം കൂടി കണക്കിലെടുത്താൽ രോഗികളുടെ എണ്ണം ആയിരത്തിനു മുകളിലാകുമെന്നാണ് റിപ്പോർട്ടുകൾ സൂചിപ്പിക്കുന്നത്. കൂടാതെ എലിപ്പനിയും, ഡെങ്കിപ്പനിയും ജില്ലയിൽ റിപ്പോർട്ട്‌ ചെയ്തിട്ടുണ്ട്.
അതേസമയം, വയറിളക്ക രോഗങ്ങളെത്തുടര്‍ന്ന് ഒരാഴ്ചയ്ക്കിടെ 250 പേരോളമാണ് സര്‍ക്കാര്‍ ആശുപത്രികളില്‍ ചികിത്സ തേടിയിട്ടുള്ളത്. 10 പേര്‍ക്ക് ചിക്കന്‍പോക്സ് സ്ഥിരീകരിച്ചു. കാലാവസ്ഥയിലെ മാറ്റം മൂലമാണ് ഇത്തരത്തിൽ പനിയും ചുമയുമായി ആശുപത്രികളില്‍ എത്തുന്നവരുടെ എണ്ണം വന്‍ തോതില്‍ വര്‍ധിച്ചതെന്ന് ഡോക്ടര്‍മാര്‍ അഭിപ്രായപ്പെടുന്നു.
Post Your Comments