കാക്കൂര്‍: ജാമ്യത്തിലിറങ്ങിയ ശേഷം ഒളിവില്‍ കഴിഞ്ഞ പ്രതി 13 വര്‍ഷത്തിന് ശേഷം പൊലീസ് പിടിയിൽ. ഇരുവള്ളൂര്‍ അമ്പലപ്പാട് തെക്കയില്‍ ജ്യോതീന്ദ്രന്‍ (57) ആണ് പിടിയിലായത്.
തിങ്കളാഴ്ച വൈകീട്ട് ആറ് മണിയോടെയാണ് ജ്യോതീന്ദ്രന്‍ കാക്കൂര്‍ പൊലീസിന്റെ പിടിയിലായത്. 2009-ല്‍ മലപ്പുറം വാഴക്കാട് പൊലീസ് സ്റ്റേഷന്‍ പരിധിയില്‍ റിപ്പോര്‍ട്ട് ചെയ്ത മോഷണ കേസിലെ പ്രതിയായ ജ്യോതീന്ദ്രന്‍ ജാമ്യത്തിലിറങ്ങിയ ശേഷം ഒളിവില്‍ പോവുകയായിരുന്നുവെന്ന് പൊലീസ് പറഞ്ഞു.
അമ്പലപ്പാട് അങ്ങാടിയില്‍ പൊലീസിനെ തള്ളിമാറ്റി ഓടി രക്ഷപ്പെടാന്‍ ശ്രമിച്ച പ്രതിയെ സാഹസികമായാണ് പിടികൂടിയതെന്നും പൊലീസ് വ്യക്തമാക്കി.
Post Your Comments