മുംബൈ: ഐപിഎല്ലിൽ പഞ്ചാബ് കിംഗ്സ് ഇന്ന് സൺറൈസേഴ്‌സ് ഹൈദരാബാദിനെ നേരിടും. വൈകിട്ട് 3.30ന് മുംബൈയിലെ ഡിവൈ പാട്ടീൽ സ്റ്റേഡിയത്തിലാണ് മത്സരം. അവസാന മൂന്ന് മത്സരങ്ങളും ജയിച്ചാണ് ഹൈദരാബാദ് ഇന്നിറങ്ങുന്നത്. പഞ്ചാബും അഞ്ച് മത്സരങ്ങളിൽ മൂന്നിൽ ജയിച്ചു. പോയിന്റ് പട്ടികയില്‍ പഞ്ചാബ് അഞ്ചും ഹൈദരാബാദ് ഏഴും സ്ഥാനങ്ങളിലാണ്.
മുംബൈ ഇന്ത്യന്‍സിനെ 12 റണ്‍സിന് തകർത്ത പഞ്ചാബ് കിംഗ്സ് നാലാം ജയം തേടിയാണ് ഇറങ്ങുന്നത്. ഫോമിലേക്ക് തിരിച്ചെത്തിയ ശിഖര്‍ ധവാനും മായങ്ക് അഗര്‍വാളും മികച്ച തുടക്കം നൽകിയാൽ പഞ്ചാബിനെ പിടിച്ചു കെട്ടാൻ ഹൈദരാബാദ് പാടുപെടും. ഇന്ന് ജയിച്ചാൽ ഹൈദരാബാദ് പോയിന്റ് പട്ടികയിൽ നാലാം സ്ഥാനത്തെത്തും.
Read Also:- വായിലും ശ്വസനത്തിലും പുതുമ നൽകാൻ!
അതേസമയം, ഐപിഎല്ലില്‍ മുംബൈ ഇന്ത്യന്‍സിന് ആറാം തോല്‍വി. ലഖ്‌നൗ സൂപ്പര്‍ ജയന്റ്‌സിനെതിരായ മത്സരത്തില്‍ 18 റണ്‍സിനാണ് മുംബൈ തോറ്റത്. 200 റണ്‍സ് വിജയലക്ഷ്യവുമായി ബാറ്റിംഗിനിറങ്ങിയ മുംബൈക്ക് ഒമ്പത് വിക്കറ്റ് നഷ്ടത്തില്‍ 181 റണ്‍സെടുക്കാനെ കഴിഞ്ഞൊള്ളൂ.
Post Your Comments