ഭാര്യയെ കൊലപ്പെടുത്താൻ ശ്രമം : ഭർത്താവ് പിടിയിൽ

പൊൻകുന്നം: ഭാര്യയെ കൊലപ്പെടുത്താൻ ശ്രമിച്ച സംഭവത്തിൽ ഭർത്താവ് അറസ്റ്റിൽ. എലിക്കുളം മല്ലികശ്ശേരി കണ്ണമുണ്ടയിൽ ബിനോയി ജോസഫിനെയാണ് (48) അറസ്റ്റ് ചെയ്തത്.

ശനിയാഴ്ച രാത്രി 11.30-നാണ് കേസിനാസ്പദമായ സംഭവം. ഭാര്യ സിനിയെ (44) കിടപ്പുമുറിയിൽ വെച്ച് കറിക്കത്തികൊണ്ട് കഴുത്തിന് വെട്ടിക്കൊലപ്പെടുത്താൻ ശ്രമിക്കുകയായിരുന്നു. കഴുത്തിൽ ആഴത്തിൽ മുറിവേറ്റ് ഗുരുതരാവസ്ഥയിലായ സിനിയെ ചേർപ്പുങ്കൽ മെഡിസിറ്റി ആശുപത്രിയിൽ പ്രവേശിപ്പിച്ചു.

Read Also : യുവതി ജീവനൊടുക്കിയത് ഭര്‍തൃമാതാവിന്റെ മാനസിക പീഡനം കാരണമാണെന്ന് പരാതി

കാഞ്ഞിരപ്പള്ളി ഡിവൈ.എസ്.പി എൻ. ബാബുക്കുട്ടൻ, പൊൻകുന്നം എസ്.എച്ച്.ഒ സജിൻ ലൂയിസ്, എസ്.ഐ ടി.ജി. രാജേഷ് തുടങ്ങിയവരുടെ നേതൃത്വത്തിലുള്ള സംഘം രാത്രി തന്നെ ബിനോയിയെ കസ്റ്റഡിയിലെടുത്തു. പ്രതിയെ പിന്നീട് വീട്ടിലെത്തിച്ച് തെളിവെടുപ്പ് നടത്തി. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.