കൊച്ചി: കൊച്ചിയിലെ ടാറ്റൂ ആര്‍ട്ടിസ്റ്റ് സുജീഷിനെതിരേ പീഡന പരാതിയുമായി വിദേശ വനിതയും രംഗത്ത്. കൊച്ചിയിലെ ടാറ്റൂ സ്റ്റുഡിയോയില്‍ ടാറ്റൂ ചെയ്യാന്‍ എത്തിയപ്പോള്‍, ലൈംഗികാതിക്രമത്തിന് ഇരയായെന്നാണ് യുവതിയുടെ പരാതിയില്‍ പറയുന്നത്. സ്പാനിഷ് വനിതയാണ് കൊച്ചി സിറ്റി പോലീസ് കമ്മീഷണര്‍ക്ക് ഇ-മെയില്‍ മൂലം പരാതി നൽകിയത്.
പരാതിക്കാരിയായ സ്പാനിഷ് യുവതി, നേരത്തെ കുറച്ചുദിവസം കൊച്ചിയിലുണ്ടായിരുന്നു. ഈ സമയത്താണ് ,സുജീഷിന്റെ ടാറ്റൂ സ്റ്റുഡിയോയില്‍ എത്തിയത്. ഇവിടെവെച്ച്, ലൈംഗികാതിക്രമത്തിന് ഇരയായെന്നാണ് പരാതിക്കാരി ആരോപിക്കുന്നത്.
അതേസമയം, യുവതിയില്‍നിന്ന് കൂടുതല്‍ വിവരങ്ങള്‍ ശേഖരിക്കാന്‍ പോലീസ് ഇ-മെയില്‍ വഴി ബന്ധപ്പെട്ടിട്ടുണ്ട്.നിലവില്‍ വിവിധ യുവതികളുടെ പരാതിയില്‍ സുജീഷിനെതിരേ അഞ്ച് കേസുകള്‍ പോലീസ് രജിസ്റ്റര്‍ ചെയ്തിട്ടുണ്ട്. ഇതില്‍ രണ്ട് കേസുകളില്‍ സുജീഷിന്റെ അറസ്റ്റ് രേഖപ്പെടുത്തിയിട്ടുണ്ട്. ഇതിനു പിന്നാലെയാണ് വിദേശ വനിതയുടെ പരാതി വന്നിരിക്കുന്നത്.
Post Your Comments