മുംബൈ: ശ്രീലങ്കയ്‌ക്കെതിരായ ടി20 പരമ്പരക്ക് പിന്നാലെ മലയാളി താരം സഞ്ജു സാംസണിന്‍റെ പ്രകടനത്തെ വിമര്‍ശിച്ച് ഇന്ത്യന്‍ മുന്‍ താരം വസീം ജാഫര്‍. സഞ്ജു അവസരങ്ങള്‍ മുതലാക്കുന്നില്ലെന്നും തനിക്ക് അതോര്‍ത്ത് ഏറെ നിരാശയുണ്ടെന്നും ജാഫര്‍ പറഞ്ഞു. രണ്ടാം ടി20യില്‍ കിട്ടിയ അവസരം മുതലാക്കിയ താരം 39 റണ്‍സെടുത്തു. മൂന്നാം ടി20യില്‍ ഓപ്പണറായി ഇറങ്ങിയ സഞ്ജു 18 റണ്‍സ് മാത്രമാണ് നേടിയത്.
‘സഞ്ജു അവസരങ്ങള്‍ മുതലെടുക്കുന്നില്ല. ശനി, ഞായര്‍ ദിവസങ്ങളിലെ ശ്രീലങ്കയ്‌ക്കെതിരായ മത്സരങ്ങള്‍ സഞ്ജുവിനു മികച്ചൊരു അവസരമായിരുന്നു. വിക്കറ്റ് കീപ്പിംഗിലെ മൂന്നാമതൊരു ഓപ്ഷനായും ബാറ്റ്സ്മാനായും അവകാശവാദം ഉന്നയിക്കാമായിരുന്നു.’
Read Also:- തുടര്‍ച്ചയായി മികച്ച പ്രകടനങ്ങള്‍ നടത്തി ടീമില്‍ സ്ഥാനമുറപ്പിക്കാനാണ് സഞ്ജു ശ്രമിക്കേണ്ടത്: സല്‍മാന്‍ ബട്ട്
‘തനിക്ക് എന്തൊക്കെ സാധിക്കുമെന്നതിന്റെ സൂചന നല്‍കാന്‍ സഞ്ജുവിനു കഴിഞ്ഞു. പക്ഷേ, അവസരങ്ങൾ മുതലെടുക്കാനായില്ല. എനിക്ക് വളരെ സങ്കടം തോന്നുന്നു, കാരണം ടി20യില്‍ സഞ്ജുവിന് അത്രയേറെ കാര്യങ്ങള്‍ ചെയ്യാനാകുമായിരുന്നു’ വസീം ജാഫര്‍ പറഞ്ഞു.
Post Your Comments