ക്ഷേ​ത്ര​പ​രി​സ​ര​ത്തെ പ​ര​സ്യ​ മ​ദ്യ​പാ​നം ചോ​ദ്യം ചെ​യ്തു : വാർഡ് മെമ്പറെ കു​ത്തിയ പ്രതികൾ പിടിയിൽ

കൊ​ട്ടി​യം: ക്ഷേ​ത്ര​പ​രി​സ​ര​ത്ത് പ​ര​സ്യ​ മ​ദ്യ​പാ​നം ന​ട​ത്തി​യ​ത് ചോ​ദ്യം ചെ​യ്ത ജ​ന​പ്ര​തി​നി​ധി​യെ കു​ത്തി കൊ​ല​പ്പെ​ടു​ത്താ​ൻ ശ്ര​മി​ച്ച സം​ഘ​ത്തി​ലെ മൂ​ന്ന് പേ​ർ ​പൊലീസ് പിടിയിൽ. ഉ​മ​യ​ന​ല്ലൂ​ർ വ​ട​ക്കും​ക​ര കി​ഴ​ക്ക് ശ്യാം ​മ​ന്ദി​ര​ത്തി​ൽ എം. ​ശ്യാം (24), പ​ട​നി​ലം വ​യ​ലി​ൽ പു​ത്ത​ൻ​വീ​ട്ടി​ൽ ആ​ർ. പ്ര​സാ​ദ് (22), ത​ട്ടാ​മ​ല ശാ​ർ​ക്ക​ര കു​ളം പു​ത്ത​ൻ വീ​ട്ടി​ൽ എ​ൻ. അ​ൽ​താ​ഫ് (19) എ​ന്നി​വ​രാ​ണ് അറസ്റ്റിലായത്.

ഉ​മ​യ​ന​ല്ലൂ​ർ വ​ള്ളി അ​മ്പ​ല പ​രി​സ​ര​ത്ത് ഗ്രാ​മ​പ​ഞ്ചാ​യ​ത്ത് മെമ്പറാ​യ ര​ഞ്ജി​ത്തി​നെ ആണ് മൂന്നം​ഗ സംഘം ആക്രമിച്ചത്. പ​ര​സ്യ മ​ദ്യ​പാ​നം ന​ട​ത്തി​യ സം​ഘ​ത്തോ​ട്​ ര​ഞ്ജി​ത്ത് അ​മ്പ​ല​ പ​രി​സ​രം വി​ട്ടു​പോ​കാ​ൻ ആ​വ​ശ്യ​പ്പെ​ട്ടു. ഇ​തി​ൽ പ്ര​കോ​പി​ത​രാ​യ ഇ​വ​ർ മെമ്പ​റെ ത​ട​ഞ്ഞ് വെ​ച്ച് ആ​ക്ര​മി​ക്കു​ക​യാ​യി​രു​ന്നു. ര​ക്ഷ​പ്പെ​ട്ട നാ​ലാ​മ​നാ​യി പൊലീസ് തി​ര​ച്ചി​ൽ തു​ട​രു​ക​യാ​ണ്.

Read Also : മുഖംമൂടി സംഘം വീ​ട്ടി​ൽ അ​തി​ക്ര​മി​ച്ചു​ ക​യ​റി ഡോ​ക്ട​റെ കുത്തിപരിക്കേൽപ്പിച്ചതായി പരാതി

കൊ​ട്ടി​യം ഇ​ൻ​സ്​​പെ​ക്ട​ർ എം.​സി. ജിം​സ്റ്റ​ലി​ന്‍റെ നേ​തൃ​ത്വ​ത്തി​ൽ കൊ​ട്ടി​യം സ​ബ് ഇ​ൻ​സ്​​പെ​ക്ട​ർ​മാ​രാ​യ സു​ജി​ത്ത് ജി. ​നാ​യ​ർ, ഷി​ഹാ​സ്, ജ​യ​കു​മാ​ർ, എ.​എ​സ്.​ഐ ഫി​റോ​സ്​​ഖാ​ൻ, സു​നി​ൽ​കു​മാ​ർ, സി.​പി.​ഒ മാ​രാ​യ അ​നൂ​പ്, പ്ര​ദീ​പ്ച​ന്ദ്, സാം ​ജി. ജോ​ൺ എ​ന്നി​വ​ര​ട​ങ്ങി​യ സം​ഘ​മാ​ണ് പി​ടി​കൂ​ടി​യ​ത്. പ്രതികളെ കോടതിയിൽ ഹാജരാക്കി.