കൊട്ടാരക്കര: കെ.എസ്.ആര്‍.ടി.സി കണ്ടക്ടറെ കൈയേറ്റം ചെയ്തയാള്‍ അറസ്റ്റില്‍. സദാനന്ദപുരം പത്മവിലാസത്തില്‍ അനില്‍കുമാറിനെ (36) യാണ് പൊലീസ് പിടികൂടിയത്. കൊട്ടാരക്കര പൊലീസ് ആണ് പ്രതിയെ അറസ്റ്റ് ചെയ്തത്.
പൂവാറില്‍ നിന്ന് കൊട്ടാരക്കരയിലേക്കു വന്ന ബസിലെ കണ്ടക്ടറായ ബിജുപാലിനെയാണ് പനവേലി ജങ്ഷനില്‍ വെച്ച് ടിക്കറ്റിന് പൈസ ചോദിച്ചതിലുള്ള വിരോധത്തില്‍ ഇയാള്‍ കൈയേറ്റം ചെയ്തത്.
കൊട്ടാരക്കര പൊലീസില്‍ നല്‍കിയ പരാതിയുടെ അടിസ്ഥാനത്തില്‍ നടത്തിയ അന്വേഷണത്തില്‍ എസ്.ഐ സുരേഷ്, സിവില്‍ പൊലീസ് ഓഫിസര്‍ ശ്രീരാജ് എന്നിവരുള്‍പ്പെട്ട സംഘം ആണ് പ്രതിയെ അറസ്റ്റ് ചെയ്തത്. പ്രതിയെ കോടതിയിൽ ഹാജരാക്കി.
Post Your Comments