പാറപ്പൊടി വിൽക്കുന്നിടത്ത് നിന്ന് 51 ചാക്ക് റേഷനരി പിടികൂടി, അരിയില്ല തരിയില്ലെന്ന് പറയുന്ന റേഷൻ കടക്കാരെ സൂക്ഷിക്കണം

തിരുവനന്തപുരം: പാ​റ​പ്പൊ​ടി വിൽക്കുന്നിടത്ത് നിന്ന് 51 ചാക്ക് റേഷനരി പിടികൂടി. ചി​ല്ല​റ വി​ല്‍പ​ന ന​ട​ത്തു​ന്ന കേ​ന്ദ്ര​ത്തി​ല്‍ അ​ന​ധി​കൃ​ത​മാ​യി സൂ​ക്ഷി​ച്ചി​രു​ന്ന അരിയാണ് രഹസ്യ വിവരത്തിന്റെ അടിസ്ഥാനത്തിൽ പിടികൂടിയത്. അ​മ​ര​വി​ള കാ​ട്ടി​ലു​വി​ള​യി​ല്‍ കെ.​കെ എ​ജ​ന്‍സി​യി​ല്‍ ലോ​റി​യി​ല്‍ സൂ​ക്ഷി​ച്ചി​രു​ന്ന റേ​ഷ​ന​രി​യാ​ണ് പി​ടി​കൂ​ടി​യ​ത്.

Also Read:പോ​ക്സോ കേ​സ് പ്ര​തി​ക്ക് മൂ​ന്ന് വ​ർ​ഷം ത​ട​വ് ശി​ക്ഷ വിധിച്ച് കോടതി

സ്ഥലത്ത് റേഷനരി ഒളിപ്പിച്ചു വച്ചിരിക്കുന്നുവെന്ന് വി​ജി​ല​ന്‍സി​ന്​ ല​ഭി​ച്ച ര​ഹ​സ്യ വി​വ​ര​ത്തെ തു​ട​ര്‍ന്ന് ജി​ല്ല സ​പ്ലൈ ഓ​ഫി​സ​ര്‍ സി.​എ​സ്. ഉ​ണ്ണി​കൃ​ഷ്ണ​ന്റെ നേ​തൃ​ത്വ​ത്തി​ലാ​യി​രു​ന്നു റെ​യ്​​ഡ് നടത്തിയത്. 51 പ്ലാ​സ്റ്റി​ക് ചാ​ക്കു​ക​ളി​ലാ​യിട്ടായിരുന്നു ചാ​ക്ക​രി, പു​ഴു​ക്ക​ല​രി, ച​മ്പാവ​രി, പ​ച്ച​യ​രി, ഗോ​ത​മ്പ് എ​ന്നി​വ​ ക​ണ്ടെ​ത്തി​യ​ത്.

അതേസമയം, സംസ്ഥാനത്തിന്റെ വിവിധയിടങ്ങളിൽ ഈ സ്ഥിതി തുടരുന്നുണ്ടെന്നാണ് കണ്ടെത്തൽ. റേഷൻ കടകളിൽ നിന്ന് പലയിടങ്ങളിലേക്കും ഇത്തരത്തിൽ പൊതുജനത്തിന് അവകാശപ്പെട്ട അരിയും മറ്റും ഒഴുകുന്നുണ്ടെന്നും വിജിലൻസ് പറയുന്നു. ഇതിന്റെ അടിസ്ഥാനത്തിൽ പരിശോധനകൾ ശക്തമാക്കാനും, നടപടികൾ കർശനമാക്കാനുമാണ് അധികൃതരുടെ തീരുമാനം.