കോട്ടയം: നായ റോഡിന് കുറുകെ ചാടി മൂന്ന് വാഹനങ്ങള്‍ കൂട്ടിയിടിച്ചു അപകടം. എം.സി റോഡില്‍ മണിപ്പുഴയിലാണ് സംഭവം. പാലുമായി പോവുകയായിരുന്ന പിക്കപ്പ് വാനിന് മുന്നിലേക്ക് നായ ചാടിയാണ് അപകടമുണ്ടായത്.
നായ ചാടിയതിനെ തുടർന്ന് വാന്‍ പെട്ടെന്ന് ബ്രേക്ക് ചെയ്തു. തുടര്‍ന്ന് പിന്നാലെ വരികയായിരുന്ന കെ.എസ്.ആര്‍.ടി.സി ബസും കാറും വാനിന് പിന്നിലിടിക്കുകയായിരുന്നു.
Read Also : രണ്ടു വാക്ക് വിട്ടെങ്ങാനും പോയിരുന്നെങ്കിൽ ചാനൽ ഓഫീസ് ചരിത്രമായേനെ: വിമർശനം
അപകടത്തില്‍ ബസിന്റെ മുന്‍വശത്തെ ചില്ല് പൂര്‍ണമായി തകര്‍ന്നു. കാറിന്റെ മുന്‍ഭാഗത്തിനും കേടുപാടുകളുണ്ടായി. അതേസമയം അപകടത്തില്‍ യാത്രക്കാര്‍ക്ക് പരിക്കില്ല. അപകടത്തെ തുടര്‍ന്ന് എം.സി റോഡില്‍ 15 മിനിറ്റ് നേരം ഗതാഗതക്കുരുക്കുണ്ടായി.
Post Your Comments