ഓക്​സിജനും ​​ഐ.സി.യുവും വെന്‍റിലേറ്റര്‍ കിടക്കകളും വേണ്ട ഗുരുതര രോഗികളുടെ എണ്ണം കൂടുന്നു: കോവിഡ് ഭീതിയിൽ കേരളം

തിരുവനന്തപുരം: സംസ്ഥാനത്ത് ഓക്​സിജനും ​​ഐ.സി.യുവും വെന്‍റിലേറ്റര്‍ കിടക്കകളും വേണ്ട ഗുരുതര രോഗികളുടെ എണ്ണം കൂടുന്നുവെന്ന് റിപ്പോർട്ട്‌. കോവിഡ് ബാധിച്ച് വെന്‍റിലേറ്ററിലേക്ക് മാറ്റേണ്ടി വന്ന രോഗികള്‍ കഴിഞ്ഞ ആഴ്​ച്ചയേക്കാള്‍ പത്ത്​ ശതമാനം കൂടുതലായെന്നും ​ഐ.സി.യുവില്‍ പ്രവേശിപ്പിക്കപ്പെടുന്നവരുടെ എണ്ണം 29 ശതമാനത്തോളം കൂടിയെന്നും റിപ്പോർട്ടിൽ പറയുന്നു.

Also Read:ഇന്ത്യ-ദക്ഷിണാഫ്രിക്ക ഏകദിന പരമ്പരയ്ക്ക് ഇന്ന് ബോളണ്ട് പാര്‍ക്കില്‍ തുടക്കമാവും

ഓക്​സിജന്‍ കിടക്കകള്‍ ആവശ്യമുള്ളവര്‍ 41 ശതമാനമാണ്​ ഇപ്പോൾ സംസ്ഥാനത്ത് കൂടുതലായിട്ടുള്ളത്. ജനുവരിയുടെ തുടക്കത്തിൽ ഗുരുതര രോഗികളുടെ എണ്ണത്തിലുണ്ടായിരുന്ന കുറവ് ഒരാഴ്ചയ്ക്കിടയിൽ മാറി മറിയുകയായിരുന്നു. ഒരാഴ്​ച്ചക്കിടെയാണ്​ ഗുരുതര രോഗികളുടെ എണ്ണത്തില്‍ വലിയ കുതിപ്പുണ്ടായതെന്നാണ് പറയപ്പെടുന്നത്.

ആകെ രോഗികളുടെ എണ്ണത്തിലും ഈ ആഴ്​ച്ച 204 ശതമാനം വര്‍ധനവാണ് രോഗികളുടെ എണ്ണത്തിൽ ഉണ്ടായിട്ടുള്ളത്. ജനുവരിയുടെ തുടക്കത്തിൽ മുവ്വായിരം കേസുകൾ ഒക്കെയാണ് സംസ്ഥാനത്ത് സ്ഥിരീകരിച്ചിരുന്നുന്നത്. അതാണ്‌ ഇപ്പോൾ ഇരുപതിനായിരത്തിലേക്ക് മാറിയത്.