ഹ​ഷീ​ഷ് ഓ​യി​ലും ക​ഞ്ചാ​വു​മാ​യി കൂട്ടിക്കൽ സ്വദേശി പിടിയിൽ

ച​ങ്ങ​നാ​ശ്ശേ​രി: ഹ​ഷീ​ഷ് ഓ​യി​ലും ക​ഞ്ചാ​വു​മാ​യി യുവാവ് പിടിയിൽ. മു​ണ്ട​ക്ക​യം കൂ​ട്ടി​ക്ക​ൽ സ്വ​ദേ​ശി ക​ട​വു​ക​ര​യി​ൽ വീ​ട്ടി​ൽ താ​രി​ഖ് തൗ​ഫീ​ഖ്​ (26) ആണ് അ​റ​സ്റ്റി​ലായത്.

പാ​ലാ എ​ക്സൈ​സ് കെ.​കെ റോ​ഡി​ൽ ന​ട​ത്തി​യ ഹൈ​വേ പ​ട്രോ​ളി​ങ്ങി​നി​ട​യി​ൽ നി​ർ​ത്താ​തെ പാ​ഞ്ഞ കാ​ർ പി​ന്തു​ട​ർ​ന്ന് 19-ാം മൈ​ലി​ൽ പി​ടി​കൂ​ടി പ​രി​ശോ​ധി​ച്ച​പ്പോ​ഴാ​ണ് കാ​റി​നു​ള്ളി​ൽ​ നി​ന്ന്​ 18 ഗ്രാം ​ഹ​ഷീ​ഷ് ഓ​യി​ലും 13 ഗ്രാം ​ക​ഞ്ചാ​വും പി​ടി​കൂ​ടി​യ​ത്.

ഇ​യാ​ൾ ഇ​റ്റ​ലി​യി​ൽ മൂ​ന്നു​വ​ർ​ഷം എം.​ബി.​ബി.​എ​സി​ന് പ​ഠി​ച്ചെ​ങ്കി​ലും പ​ഠ​നം പൂ​ർ​ത്തി​യാ​ക്കി​യി​ട്ടി​ല്ല. സു​ഹൃ​ത്തി​ന്‍റെ പേ​രി​ലെ ഹ്യു​ണ്ടാ​യ് ഇ​യോ​ൺ കാ​റി​ൽ കൂ​ട്ടി​ക്ക​ലി​ൽ ​നി​ന്ന്​ എ​റ​ണാ​കു​ള​ത്തെ വീ​ട്ടി​ലേ​ക്ക് പോ​കു​മ്പോ​ൾ നി​യ​ന്ത്ര​ണ​മി​ല്ലാ​തെ കാ​ർ ഓ​ടി​ച്ച​ത് ശ്ര​ദ്ധ​യി​ൽ​പെ​ട്ട​തി​നെ​ത്തു​ട​ർ​ന്ന് എ​ക്സൈ​സ് പ​ട്രോ​ളി​ങ്​ സം​ഘം ആ​വ​ശ്യ​പ്പെ​ട്ടെ​ങ്കി​ലും നി​ർ​ത്തി​യി​ല്ല.

Read Also : ‘വിശുദ്ധനായ ബിഷപ്പ് ഫ്രാങ്കോയേ ഞങ്ങൾക്ക് വേണ്ടി അപേക്ഷിക്കേണമേ’: പരിഹസിച്ച് ആർ ജെ മാത്തുക്കുട്ടി

വാ​ഹ​ന​ത്തെ പി​ന്തു​ട​ർ​ന്ന് പി​ടി​കൂ​ടുകയായിരുന്നു. പിടികൂടിയ​പ്പോ​ൾ ഇ​യാ​ൾ മ​യ​ക്കു​മ​രു​ന്ന് ല​ഹ​രി​യി​ലാ​യി​രു​ന്നു. വി​വി​ധ രാ​ജ്യ​ങ്ങ​ളി​ൽ സ​ന്ദ​ർ​ശ​നം ന​ട​ത്തി​യി​രു​ന്ന ഇ​യാ​ൾ ക​ഴി​ഞ്ഞ ആ​ഗ​സ്റ്റി​ലാ​ണ് കേ​ര​ള​ത്തി​ലെ​ത്തി​യ​ത്. ശ​രീ​രം പു​ഷ്ടി​ക്കു​ന്ന​തി​ന് ഉ​പ​യോ​ഗി​ക്കു​ന്ന പ്രോ​ട്ടീ​ൻ പൗ​ഡ​ർ കാ​റി​ൽ സൂ​ക്ഷി​ച്ചി​രു​ന്നു. കാ​റും ക​സ്റ്റ​ഡി​യി​ലെ​ടു​ത്തിട്ടുണ്ട്.

പാ​ലാ എ​ക്സൈ​സ് സ​ർ​ക്കി​ൾ ഇ​ൻ​സ്​​പെ​ക്ട​ർ രാ​ജേ​ഷ് ജോ​ൺ, പ്രി​വ​ന്‍റി​വ് ഓ​ഫി​സ​ർ കെ.​വി. ബാ​ബു, സി​വി​ൽ ഓ​ഫി​സ​ർ​മാ​രാ​യ നി​ഫി ജേ​ക്ക​ബ്, ഡി. ​അ​മ​ൽ​ദേ​വ്, ഡ്രൈ​വ​ർ ബി​ബി​ൻ ജോ​യ് എ​ന്നി​വ​ർ പ​രി​ശോ​ധ​ന​യി​ൽ പ​ങ്കെ​ടു​ത്തു. ച​ങ്ങ​നാ​ശ്ശേ​രി കോ​ട​തി​യി​ൽ ഹാ​ജ​രാ​ക്കി.