കണ്ണൂർ: കെ റെയില്‍ സ്ഥാപിച്ച കല്ലുകള്‍ പിഴുതെറിയുമെന്ന കെപിസിസി അധ്യക്ഷന്‍ കെ സുധാകരന്റെ പ്രസ്താവനയ്ക്ക് എതിരെ സിപിഎം നേതാവ് എംവി ജയരാജന്‍. കെ സുധാകരൻ ചെയ്തത് ക്രിമിനൽ കുറ്റമാണ്. അതിനെതിരെ കർശന നടപടി സ്വീകരിക്കണമെന്നും അദ്ദേഹം പറഞ്ഞു.
പുനരധിവാസത്തിന് 1730 കോടിയും വീടുകളുടെ നഷ്ടപരിഹാരത്തിനു 4400 കോടിയുമാണ് നൽകുക. പിന്നെ എന്തിന് ഭൂവുടമകൾ പദ്ധതിയെ എതിർക്കണമെന്നും എം. വി. ജയരാജൻ ചോദിച്ചു.
ഡി സി സി പ്രസിഡന്റ് സ്ഥാനം മുമ്പ് കത്തിയും വാളും കാട്ടി പിടിച്ചെടുത്തത് പോലെ സർവേ കല്ലുകൾ ബലപ്രയോഗത്തിലൂടെ നീക്കം ചെയ്ത് വികസന പദ്ധതി തകർക്കാനുള്ള പരിശ്രമമാണ് കെ പി സി സി പ്രസിഡന്റ് ആഹ്വാനം ചെയ്തതിലൂടെ വ്യക്തമാകുന്നതെന്നും അദ്ദേഹം പറഞ്ഞു.
Post Your Comments