സെഞ്ചൂറിയന്‍ ടെസ്റ്റില്‍ ദക്ഷിണാഫ്രിക്കക്കെതിരെ സെഞ്ച്വറി നേടിയതിന്റെ സന്തോഷം പങ്കുവെച്ച് കെഎല്‍ രാഹുല്‍. ഇതുപോലെയുള്ള ഇന്നിംഗ്സുകള് കളിക്കാരെന്ന നിലയില്‍ വളരെയധികം സന്തോഷം നല്‍കുന്നതാണെന്നും ബാറ്റിംഗ് താന്‍ ഏറെ ആസ്വദിച്ചെന്നും രാഹുല്‍ പറഞ്ഞു.
‘ഈ ടെസ്റ്റ് പരമ്പരയ്ക്കുള്ള തയ്യാറെടുപ്പ് വളരെ മികച്ചതായിരുന്നു. ഇതുപോലെയുള്ള ഇന്നിംഗ്സുകള് മറ്റുള്ളവയില്‍ നിന്നും വേറിട്ടു നില്‍ക്കുന്നവയാണ്. ഇതുപോലെയുള്ള ഇന്നിംഗ്സുകള് കളിക്കാരെന്ന നിലയില്‍ ഞങ്ങള്‍ക്കു വളരെയധികം സന്തോഷം നല്‍കുകയും ചെയ്യുന്നു. എന്നില്‍ നിന്നും ഇതാണ് പ്രതീക്ഷിക്കുന്നത്. മികച്ച തുടക്കം ലഭിച്ചപ്പോള്‍ ഞാന്‍ ആസ്വദിച്ചായിരുന്നു ബാറ്റ് ചെയ്തത്.’
‘വലിയ ഷോട്ടുകള്‍ കളിക്കാനുള്ള പ്രലോഭനം എനിക്കുമുണ്ടായിരുന്നു. പക്ഷെ ആശ്ചര്യമെന്നു പറയട്ടെ എനിക്കതിനെ അതിജീവിക്കാന്‍ സാധിച്ചു. ലോര്‍ഡ്സില്‍ ഇംഗ്ലണ്ടിനെതിരേ മുമ്പ് സെഞ്ച്വറിയടിച്ചപ്പോഴും ഇതേ രീതിയില്‍ പ്രലോഭനനത്തില്‍ വീഴാതിരിക്കാന്‍ എനിക്കു കഴിഞ്ഞിരുന്നു. സ്വന്തം ശാന്തത കണ്ട് എനിക്കു സ്വയം ആശ്ചര്യം തോന്നിയിട്ടുണ്ട്’.
Read Also:- അണ്ടര്‍ 19 ഏഷ്യ കപ്പ്: അഫ്ഗാനിസ്ഥാനെ തകര്‍ത്ത് ഇന്ത്യ സെമിയിൽ
‘എന്റെ ശ്രദ്ധ എല്ലായ്പ്പോഴും അതാത് നിമിഷത്തില്‍ ശ്രദ്ധിക്കുകയെന്നതിലാണ്. അപ്പോള്‍ നേരിടുന്ന ബോളിനോടു പ്രതികരിക്കുന്നതിനെക്കുറിച്ച് മാത്രമേ ആലോചിക്കാറുള്ളൂ. സെഞ്ചൂറിയന്‍ ടെസ്റ്റില്‍ ആദ്യദിനം വളരെ നന്നായി അവസാനിപിക്കാന്‍ സാധിച്ചതില്‍ സന്തോഷമുണ്ട്’ രാഹുല്‍ പറഞ്ഞു.
Post Your Comments