ഓയൂർ: മുട്ടറയിൽ മദ്യപിച്ചെത്തി ഭാര്യയെ നിരന്തരം ഉപദ്രവിക്കുന്ന ഭർത്താവ് പൊലീസ് പിടിയിൽ. ഓടനാവട്ടം മുട്ടറ പള്ളിക്കുന്നുമ്പുറം ഉണ്ണി സദനത്തിൽ ഉണ്ണികൃഷ്ണപിള്ള (47) യാണ് പൊലീസ പിടിയിലായത്. പൂയപ്പള്ളി പൊലീസ് ആണ് പ്രതിയെ അറസ്റ്റ് ചെയ്തത്.
കൂലിപണിക്കാരനായ ഉണ്ണികൃഷ്ണൻ മദ്യപിച്ചെത്തി അതിക്രൂരമായി ഭാര്യയെ ദേഹോപദ്രവം ഏൽപ്പിക്കുന്നത് പതിവായിരുന്നു. ഇയാൾ വീട്ടിൽ ചെലവിനും കൊടുക്കാറില്ലായിരുന്നു. കൊട്ടാരക്കരയിലെ വസ്ത്രവ്യാപാര സ്ഥാപനത്തിൽ ജോലി ചെയ്താണ് യുവതി കുടുംബചെലവ് നടത്തിയത്.
Read Also : വ്യാജ തൊഴിൽ വാഗ്ദാനങ്ങളിൽ വഞ്ചിതരാവരുതെന്ന് ലോകകപ്പ് സുപ്രീം കമ്മിറ്റി
ഉപദ്രവം സഹിക്കാനാകാതെ വന്നതോടെയാണ് ഭാര്യ പൂയപ്പള്ളി പൊലീസിൽ പരാതി നൽകിയത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
Post Your Comments