കുമളി: സംസ്ഥാന അതിർത്തി ചെക്ക് പോസ്റ്റിൽ കഞ്ചാവുമായി രണ്ട് യുവാക്കൾ എക്സൈസ് സംഘത്തിന്റെ പിടിയിൽ. തമിഴ്നാട്ടിൽ നിന്ന് ആലപ്പുഴയിലേക്ക് പോവുകയായിരുന്ന യുവാക്കളാണ് അറസ്റ്റിലായത്.
ആലപ്പുഴ നീലംപേരൂർ സ്വദേശികളായ കാക്കനാന്തറ വീട്ടിൽ സൂരജ് ചന്ദ്രൻ (20), കാവുംഗ്രാക്കൽ ശ്യാം (21) എന്നിവരാണ് എക്സൈസ് സംഘത്തിന്റെ പിടിയിലായത്. ഇവരുടെ പക്കൽ നിന്ന് 4.150 കിലോ കഞ്ചാവ് കണ്ടെടുത്തു.
എക്സൈസ് ഇൻസ്പെക്ടർ ശ്യാംകുമാർ, ഉദ്യോഗസ്ഥരായ രവി, ശ്രീകുമാർ, സേവ്യർ എന്നിവരുടെ നേതൃത്വത്തിലാണ് പിടികൂടിയത്. അറസ്റ്റ് ചെയ്ത പ്രതികളെ കോടതിയിൽ ഹാജരാക്കി റിമാൻഡ് ചെയ്തു.
Post Your Comments