ലോക ചെസ് ചാമ്പ്യൻഷിപ്പ് ​കിരീടം നിലനിര്‍ത്തി കാള്‍സണ്‍

ദുബൈ: മാഗ്​നസ്​ കാള്‍സണ്‍ ഫിഡെ ലോക ചെസ്​ കിരീടം നിലനിര്‍ത്തി. ദുബൈയില്‍ നടന്ന ലോകചാമ്പ്യന്‍ഷിപ്പില്‍ റഷ്യയുടെ ചലഞ്ചര്‍ ഇയാന്‍ നിപോംനിഷിയെ പരാജയപ്പെടുത്തിയാണ്​ നോര്‍വേയുടെ ചെസ്​ ഇതിഹാസം കാള്‍സണ്‍ അഞ്ചാം തവണയയും ലോകജേതാവായത്​. 20 ലക്ഷം യൂറോയാണ്​ (ഏകദേശം 17,13,50,000 രൂപ) ആണ്​ സമ്മാനത്തുക. ഇതിന്റെ 60 ശതമാനം ജേതാവിനും 40 ശതമാനം തോറ്റയാളിനും ലഭിക്കും.

14 റൗണ്ട്​ മത്സരത്തില്‍ 11ാം റൗണ്ട്​ പിന്നിട്ടപ്പോഴേക്കും 7.5-3.5 ലീഡ്​ നേടിയാണ്​ കാള്‍സണ്‍ കിരീടമുറപ്പിച്ചത്​. മൂന്നു മണിക്കൂറും 21 മിനിറ്റും നീണ്ട മത്സരത്തില്‍ 49ാം നീക്കത്തിലാണ്​ കാള്‍സണ്‍ വിജയംകണ്ടത്​. 31കാരനായ കാള്‍സണ്‍ 2013 മുതല്‍ ലോകചാമ്പ്യനാണ്​.