നെടുങ്കണ്ടം: ആശുപത്രിയിൽ ചികിത്സയിൽ കഴിഞ്ഞിരുന്ന ആളെ റോഡിൽ മരിച്ച നിലയിൽ കണ്ടെത്തി. നെടുങ്കണ്ടത്തിന് സമീപം കല്ലാറിൽ സ്വകാര്യ ആശുപത്രിയിൽ ചികിത്സയിലിരുന്ന നാഗപാണ്ടി(43)യെയാണ് മരിച്ച നിലയിൽ കണ്ടെത്തിയത്. കല്ലാറിന് സമീപം റോഡരികിൽ ആണ് മരിച്ചനിലയിൽ കണ്ടെത്തിയത്.
ഹൃദയാഘാതം മൂലമാണ് മരണമെന്നാണ് നിഗമനം. കഴിഞ്ഞദിവസമാണ് നാഗപാണ്ടിയെ നെഞ്ചുവേദനയെത്തുടർന്ന് ആശുപത്രിയിൽ പ്രവേശിപ്പിച്ചത്. അഡ്മിറ്റ് ചെയ്യപ്പെട്ട ഇയാൾ ഇന്നലെ രാവിലെ ആറരയോടെ ആശുപത്രിയിൽനിന്നും ഇറങ്ങി കല്ലാറിലേക്ക് പോകുകയായിരുന്നു.
Read Also : തലേ ദിവസം ബാക്കി വന്ന ചപ്പാത്തി ഇരിപ്പുണ്ടോ? 5 മിനിറ്റ് കൊണ്ട് ഒരു ഉഗ്രൻ ബ്രേക്ഫാസ്റ്റ് തയാറാക്കാം
നാഗപാണ്ടിയുടെ മൃതദേഹം കല്ലാർ വാക്സിനേഷൻ സെന്‍ററിന് സമീപം റോഡിലാണ് കണ്ടെത്തിയത്. റോഡിൽ കമിഴ്ന്നുവീണ നിലയിലായിരുന്നു. അതുവഴി ഓട്ടോയിൽ വന്ന രണ്ടുപേർ വിവരം പൊലീസിൽ അറിയിക്കുകയായിരുന്നു.
തുടർന്ന് സ്ഥലത്തെത്തിയ പൊലീസാണ് മൃതദേഹം ആശുപത്രിയിലെത്തിച്ചത്. പോസ്റ്റ്മോർട്ടത്തിന് ശേഷം മൃതദേഹം ബന്ധുക്കൾക്ക് വിട്ടു നൽകും. സംസ്കാരം പിന്നീട് നടക്കും. ചക്കമ്മയാണ് ഭാര്യ. മക്കൾ: ശരവണൻ, സംഗീത.
Post Your Comments