അൽ ഐൻ: ലുലു ഗ്രൂപ്പിന്റെ പുതിയ ഹൈപ്പർമാർക്കറ്റ് അൽ ഐനിൽ പ്രവർത്തനം ആരംഭിച്ചു. ഷിയാബ് അൽ അഷ്‌ക്കറിലാണ് പുതിയ ഹൈപ്പർ മാർക്കറ്റ്. സ്വദേശി വ്യവസായ പ്രമുഖനായ ശൈഖ് ഹമദ് സാലെം അൽ അമേരിയാണ് ഹൈപ്പർ മാർക്കറ്റിന്റെ ഉദ്ഘാടനം നിർവ്വഹിച്ചത്.
ലുലു അൽ ഐൻ റീജിയണൽ ഡയറക്ടർ ഷാജി ജമാലുദ്ദീൻ, റീജിയണൽ മാനേജർ പി. ഉണ്ണിക്കൃഷ്ണൻ, മറ്റ് ഉന്നത ഉദ്യോഗസ്ഥർ, സ്വദേശി പ്രമുഖർ തുടങ്ങി നിരവധി പ്രമുഖർ ചടങ്ങിൽ പങ്കെടുത്തു. 45,000 ചതുരശ്രയടി വിസ്തീർണത്തിലാണ് ലുലു ഗ്രൂപ്പ് ഹൈപ്പർ മാർക്കറ്റ് ഒരുക്കിയിരിക്കുന്നത്. ഷിയാബ് അൽ അഷ്‌കറിലും മറ്റുമുള്ള ജനവിഭാഗങ്ങൾക്ക് നൂതനമായ ഷോപ്പിങ് അനുഭവമായിരിക്കും പുതിയ ഹൈപ്പർ മാർക്കറ്റ് എന്ന് ശൈഖ് ഹമദ് സാലെം അൽ അമേരി അറിയിച്ചു. അൽ ഐനിലെ 13-ാമത്തെ ലുലു ഹൈപ്പർമാർക്കറ്റാണ് ഇപ്പോൾ പ്രവർത്തനം ആരംഭിച്ചിരിക്കുന്നത്.
Post Your Comments