അന്യസംസ്ഥാന തൊഴിലാളിയെ ച​തു​പ്പി​ല്‍ ദു​രൂ​ഹ​സാ​ഹ​ച​ര്യ​ത്തി​ല്‍ മ​രി​ച്ച നി​ല​യി​ല്‍ ക​ണ്ടെ​ത്തി

ക​ഴ​ക്കൂ​ട്ടം: അന്യസംസ്ഥാന തൊഴിലാളിയെ ദു​രൂ​ഹ​സാ​ഹ​ച​ര്യ​ത്തി​ല്‍ ചതുപ്പിൽ മരിച്ച നി​ല​യി​ല്‍ ക​ണ്ടെ​ത്തി. ബി​ഹാ​ർ സ്വദേശി ഇ​സ്രാ​യേ​ലാണ് മരിച്ചത്. പ​തി​നാ​റി​നും പ​തി​നെ​ട്ടി​നു​മി​ട​യ്ക്കാ​ണ് ഇ​യാ​ളു​ടെ പ്രാ​യം.​

ശ​നി​യാ​ഴ്ച ഉ​ച്ച​യ്ക്കാണ് ഇയാളുടെ മൃതദേഹം കണ്ടെത്തിയത്. ടെ​ക്‌​നോ​പാ​ര്‍​ക്ക് മൂ​ന്നാം ഘ​ട്ട​ത്തി​ന​ടു​ത്ത് കു​ശ​മു​ട്ട​ത്തു ച​തു​പ്പി​ലാ​ണ് മൃ​ത​ദേ​ഹം കാ​ണ​പ്പെ​ട്ട​ത്. നാ​ട്ടു​കാ​ര്‍ അ​റി​യി​ച്ച​തി​നെ​ത്തു​ട​ര്‍​ന്നു ക​ഴ​ക്കൂ​ട്ടം പൊലീ​സ് സ്ഥ​ല​ത്തെ​ത്തി. ഫൊ​റ​ന്‍​സി​ക് വി​ഭാ​ഗ​വും പ​രി​ശോ​ധ​ന​യ്‌​ക്കെ​ത്തി​യി​രു​ന്നു.

Read Also : ഭി​ന്ന​ശേ​ഷി​ക്കാ​രി​യെ പീഡിപ്പിച്ച് ​ഗർഭിണിയാക്കി : മൂ​ന്നുപേർ അറസ്റ്റിൽ

മേ​ല്‍ ന​ട​പ​ടി​ക​ള്‍​ക്കു​ശേ​ഷം മൃ​ത​ദേ​ഹം മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ലെ മോ​ര്‍​ച്ച​റി​യി​ലേ​ക്കു മാ​റ്റി. മൃ​ത​ദേ​ഹ​ത്തി​നു മൂ​ന്നു ദി​വ​സ​ത്തോ​ളം പ​ഴ​ക്ക​മു​ണ്ടെ​ന്നു പൊ​ലീ​സിന്റെ പ്രാഥമിക നി​ഗമനം.

അന്യസംസ്ഥാന തൊഴിലാളിക​ളു​ടെ താ​മ​സ​സ്ഥ​ല​ത്ത് ഭ​ക്ഷ​ണം ത​യാ​റാ​ക്കു​ന്ന ആ​ളു​ടെ സ​ഹാ​യി​യാ​യി​രു​ന്നു ഇ​സ്രാ​യേ​ല്‍. ഇയാളെ ജോ​ലി​ക്കു നി​ര്‍​ത്തു​ന്ന​തി​ന് അം​ഗീ​കാ​രം വാ​ങ്ങി​യി​രു​ന്നി​ല്ല. മൂ​ന്നു ദി​വ​സ​മാ​യി ഇ​സ്രാ​യേ​ലി​നെ കാ​ണാ​നി​ല്ലാ​യി​രു​ന്നെ​ന്ന് മ​റ്റു തൊ​ഴി​ലാ​ളി​ക​ള്‍ പൊ​ലീ​സി​നോ​ടു പ​റ​ഞ്ഞു. എന്നാൽ ആ​രും പ​രാ​തി കൊ​ടു​ത്തി​രു​ന്നി​ല്ല. അതേസമയം അ​സ്വാ​ഭാ​വി​ക മ​ര​ണ​ത്തി​ന് പൊ​ലീ​സ് കേ​സെ​ടു​ത്ത് അ​ന്വേ​ഷ​ണം ആരംഭിച്ചു.