മ​ല​യാ​ളി യു​വ​തി​ക​ളെ മ​റു​നാ​ടു​ക​ളി​ലേ​ക്ക് കയറ്റി അയക്കുന്നു, പെൻവാണിഭ സംഘത്തിന്റെ ഞെട്ടിക്കുന്ന വെളിപ്പെടുത്തൽ

കോ​ഴി​ക്കോ​ട് : മ​ല​യാ​ളി യു​വ​തി​ക​ളെ മ​റു​നാ​ടു​ക​ളി​ലേ​ക്ക് കയറ്റി അയക്കുന്നുവെന്ന ഞെട്ടിക്കുന്ന വെളിപ്പെടുത്തലുകളുമായി കോഴിക്കോട് പെൻവാണിഭ സംഘം അറസ്റ്റിൽ. സം​സ്ഥാ​നത്തു സ​ജീ​വ​മാ​യി പ്ര​വ​ര്‍​ത്തി​ക്കു​ന്ന സെ​ക്‌​സ് റാ​ക്ക​റ്റു​ക​ളി​ലേ​ക്ക് ഇ​ത​ര​ദേ​ശ​ത്തുനി​ന്നു യു​വ​തി​ക​ളെ റി​ക്രൂ​ട്ട് ചെ​യ്യാ​ന്‍ ഏ​ജ​ന്‍റു​മാ​രുണ്ടെന്നും, ഇ​ത​ര​ദേ​ശ​ത്തുനി​ന്നു​ള്ള യു​വ​തി​ക​ളെ കേ​ര​ള​ത്തി​ലേ​ക്കും മ​ല​യാ​ളി യു​വ​തി​ക​ളെ മ​റു​നാ​ടു​ക​ളി​ലേ​ക്കും ഏ​ജ​ന്‍റു​മാ​ര്‍ വ​ഴി കൈ​മാ​റ്റം ചെ​യ്യു​ന്നു​ണ്ടെ​ന്നുമാണ് പെൻവാണിഭ സംഘത്തിന്റെ വെളിപ്പെടുത്തൽ.

Also Read:ഷെഡ്യൂൾ ചെയ്ത വിമാനങ്ങൾ പുനരാരംഭിക്കാൻ ഇന്ത്യ തയ്യാറെടുക്കുന്നു: വിദേശകാര്യ മന്ത്രി എസ് ജയശങ്കർ

കേരളത്തിലെ പ്രധാനപ്പെട്ട എല്ലാ നഗരങ്ങളിലും ഏജന്റുമാർ മുഖേന പെൺകുട്ടികളെ കടത്തുന്നുണ്ടെന്നും, കോ​ഴി​ക്കോ​ട്, കൊ​ച്ചി, തൃ​ശൂ​ര്‍, തി​രു​വ​ന​ന്ത​പു​ര​മു​ള്‍​പ്പെ​ടെ​യു​ള്ള ജി​ല്ല​ക​ളി​ലും മെ​ട്രോ ന​ഗ​ര​ങ്ങ​ളി​ലും ഇ​ത്ത​രം ഏ​ജ​ന്‍റു​മാ​രെ കൂടുതൽ വിന്യസിപ്പിച്ചിട്ടുമുണ്ടെന്നാണ് ര​സ​ഹ്യാ​ന്വേ​ഷ​ണ വി​ഭാ​ഗ​ത്തി​ന്‍റെ ക​ണ്ടെ​ത്ത​ല്‍.

കോ​ഴി​ക്കോ​ട്ടെ പെൺവാണിഭ സംഘം പിടിയിലായതോടെയാണ് ഞെട്ടിക്കുന്ന ഈ വിവരങ്ങൾ പുറത്തു വന്നിരിക്കുന്നത്. കോഴിക്കോട് കേ​ന്ദ്രീ​ക​രി​ച്ച്‌ സെ​ക്‌​സ് റാ​ക്ക​റ്റ് ന​ട​ക്കു​ന്നു​ണ്ടെ​ന്ന് ഏ​താ​നും ദി​വ​സ​ങ്ങ​ള്‍​ക്കു മു​ൻപാണ് ര​ഹ​സ്യാ​ന്വേ​ഷ​ണ വി​ഭാ​ഗ​ത്തി​നു വി​വ​രം ല​ഭി​ച്ച​ത്. തു​ട​ര്‍​ന്നു ന​ട​ത്തി​യ നി​രീ​ക്ഷ​ണ​ത്തി​ലാണ് ത​ല​ക്കു​ള​ത്തൂ​ര്‍ സ്വ​ദേ​ശി കെ. ​ന​സീ​ര്‍ (46), കൊ​ല്ലം പു​ന​ലൂ​ര്‍ സ്വ​ദേ​ശി വി​നോ​ദ് രാ​ജ് (42), മ​ഞ്ചേ​രി സ്വ​ദേ​ശിനി സീ​ന​ത്ത്, രാ​മ​നാ​ട്ടു​ക​ര സ്വ​ദേ​ശി അ​ന്‍​വ​ര്‍ (23), താ​മ​ര​ശേ​രി ത​ച്ചം​പൊ​യി​ല്‍ സ്വ​ദേ​ശി സി​റ​ജു​ദീന്‍ (32) എന്നിവരെ പൊലീസ് പിടികൂടിയത്.