ദുബായ്: ഹോളിഡേ ഹോമുകൾക്കായുള്ള ഏറ്റവും മികച്ച നഗരങ്ങളുടെ പട്ടികയിൽ ഇടംനേടി അബുദാബിയും ദുബായിയും. comparethemarket.com.au പുറത്തുവിട്ട റിപ്പോർട്ടിലാണ് ഹോളിഡേ ഹോമുകൾക്കായുള്ള ഏറ്റവും മികച്ച അഞ്ച് നഗരങ്ങളുടെ പട്ടികയിൽ അബുദാബിയും ദുബായിയും ഇടംനേടിയത്. ശരാശരി പ്രോപ്പർട്ടി വിലകൾ, നാലംഗ കുടുംബത്തിന്റെ പ്രതിമാസ ജീവിതച്ചെലവ്, ക്രൈം സ്‌കോർ, ശരാശരി താപനില, മഴ തുടങ്ങിയ ഘടകങ്ങൾ അനുസരിച്ചാണ് പട്ടിക തയ്യാറാക്കിയത്.
പട്ടികയിൽ മൂന്നാം സ്ഥാനത്താണ് അബുദാബി. ദുബായ് നാലാം സ്ഥാനമാണ് കരസ്ഥമാക്കിയിരിക്കുന്നത്. സമീപ ദശകങ്ങളിൽ അതിവേഗം വളർന്നു കൊണ്ടിരിക്കുന്ന നഗരമാണ് അബുദാബി. അബുദാബിയിലെ ഒരു ചതുരശ്ര മീറ്ററിന് ശരാശരി ഹോളിഡേ ഹോം പ്രോപ്പർട്ടി വില 2,836 ഡോളറും ദുബായിയിൽ 2,877 ഡോളറുമാണ്.
യുഎഇയിലെ രണ്ട് നഗരങ്ങളും ഏറ്റവും മികച്ച സുരക്ഷയും ലോകത്തിലെ ഏറ്റവും മികച്ച ജീവിത നിലവാരവും ലോകോത്തര സൗകര്യങ്ങളും അടിസ്ഥാന സൗകര്യങ്ങളും താമസക്കാർക്ക് വാഗ്ദാനം ചെയ്യുന്നുവെന്ന് റിപ്പോർട്ടിൽ വ്യക്തമാക്കിയിട്ടുണ്ട്. റിപ്പോർട്ടിൽ പഠന വിധേയമാക്കിയ 50 നഗരങ്ങളിൽ കുറ്റകൃത്യ സൂചികയിൽ ഏറ്റവും സുരക്ഷിതമായ നഗരമായി അബുദാബിയെ വിലയിരുത്തുകയും ചെയ്തിട്ടുണ്ട്.
Read Also: ഇൻസ്റ്റാഗ്രാം റീലുകളിൽ നിന്ന് ഓഡിയോ എങ്ങനെ സേവ് ചെയ്യാം, ഷെയർ ചെയ്യാം ..
Post Your Comments