ഓയൂര്‍: പ്രായപൂര്‍ത്തിയാകാത്ത കുട്ടികളെ ഉപേക്ഷിച്ച് നാടുവിട്ട അയൽവാസികളായ കമിതാക്കളെ പൂയപ്പള്ളി പൊലീസ് അറസ്റ്റ് ചെയ്തു. ചെറിയ വെളിനല്ലൂര്‍ മേലേ കൊച്ചു പുത്തന്‍വീട്ടില്‍ ജിതിന്‍ (33), അയല്‍വാസിയും വീട്ടമ്മയുമായ സുധീന (36) എന്നിവരാണ് അറസ്റ്റിലായത്. വിവാഹിതനും ഒരു ആണ്‍കുട്ടിയുടെ പിതാവുമായ ജിതിനും അയല്‍വാസിയായ 13ഉം, 9 ഉം വയസുള്ള കുട്ടികളുടെ മാതാവുമായ സുധീനയുമായി ഏറെ നാളായി പ്രണയത്തിലായിരുന്നു.
ഇതിനിടെയാണ് ഇവർ കുട്ടികളെ ഉപേക്ഷിച്ചു ഒളിച്ചോടിയത്. എന്നാൽ സുധിനയുടെ ഭര്‍ത്താവിന്റെ പരാതിയുടെ അടിസ്ഥാനത്തില്‍ പൂയപ്പള്ളി പൊലീസ് കേസെടുത്ത് അന്വേഷണം നടത്തി വരുകയായിരുന്നു. ഇതിനിടെ ഇരുവരെയും ശനിയാഴ്ച്ച കൊല്ലം റെയില്‍വേ സ്റ്റേഷനില്‍ നിന്ന് പിടികൂടുകയായിരുന്നു.
ജുവനൈല്‍ ആക്‌ട് പ്രകാരം കേസെടുത്ത് ഇരുവരെയും കോടതിയില്‍ ഹാജരാക്കി റിമാന്‍ഡ് ചെയ്തു. സമീപകാലങ്ങളിൽ കുട്ടികളെ ഉപേക്ഷിച്ചു ഒളിച്ചോടുന്ന കമിതാക്കളുടെ എണ്ണം കൂടുകയാണ്.
Post Your Comments