കോഴിക്കോട്: വളർത്തു നായെ ഓട്ടോ കയറ്റിക്കൊന്ന ഡ്രൈവര്‍ അറസ്റ്റില്‍. കോഴിക്കോട് പറയഞ്ചേരിയിലാണ് സംഭവം. പറയഞ്ചേരി സ്വദേശി രാമൂട്ടിക്കാവ് എം.ടി. സന്തോഷ് കുമാറിനെയാണ് മെഡിക്കല്‍ കോളജ് പൊലീസ് പിടികൂടിയത്. ഓട്ടോയും പൊലീസ് കസ്റ്റഡിയിലെടുത്തു. നായയെ ഓട്ടോ കയറ്റി കൊല്ലുന്നതിന്‍റെ സി.സി.ടി.വി ദൃശ്യങ്ങള്‍ സമൂഹമാധ്യമങ്ങളില്‍ വ്യാപകമായി പ്രചരിച്ചതോടെയായിരുന്നു സംഭവത്തിൽ പൊലീസ് ഇടപെട്ടത്.
പ്രദേശവാസികളായ ആറ് യുവാക്കള്‍ ചേര്‍ന്ന് വളർത്തിയിരുന്ന ജാക്കി എന്ന നായയെ പറയഞ്ചേരി ബസ് സ്റ്റോപ്പിന് സമീപം വച്ച് മന:പൂര്‍വം ഇടിച്ചുവീഴ്‌ത്തി വാഹനം കയറ്റിയിറക്കുകയായിരുന്നു യുവാവ്. സി സി ടി വി ദൃശ്യങ്ങളാണ് ഇതിനു തെളിവായിട്ടുള്ളത്.
കഴിഞ്ഞ ബുധനാഴ്ചയായിരുന്നു സംഭവം നടന്നത്. വാഹനത്തിനടിയില്‍ നിന്നു രക്ഷപ്പെട്ട് ഓടിയ നായ മിനിറ്റുകള്‍ക്കകം അടുത്തുള്ള പറമ്പില്‍ തളര്‍ന്നുവീണു മരിയ്ക്കുകയായിരുന്നു. സമൂഹത്തിൽ ഇത്തരം പ്രശ്നങ്ങൾ സാധാരണമായത് കൊണ്ട് കടുത്ത നടപടികൾ സ്വീകരിക്കാനാണ് പോലീസിന്റെ നീക്കം. സംഭവത്തിൽ മനേക ഗാന്ധി ഇടപെട്ടിട്ടുണ്ട്.
Post Your Comments