കൊല്ലം: നാല് വയസുളള കുട്ടിയുടെ അമ്മയായ യുവതിയെ വിവാഹ വാഗ്ദാനം നൽകി പീഡിപ്പിച്ച് ഗർഭിണിയാക്കിയ യുവാവ് പിടിയിൽ. കൊല്ലം ഓയൂർ തച്ചക്കോട് മനങ്ങാട് അൽതാഫ് മൻസിലിൽ അൽതാഫ് (23) ആണ് ഭർത്താവുമായി പിണങ്ങി കഴിഞ്ഞ യുവതിയെ പീഡിപ്പിച്ച കേസിൽ അറസ്റ്റിലായത്. കുറച്ചുനാളുകളായി ഭർത്താവുമായി പിരിഞ്ഞ് കഴിയുന്ന യുവതിയാണ് പീഡനത്തിന് ഇരയായത്.
ഇൻസ്റ്റാഗ്രാം വഴിപരിചയത്തിലായ യുവതിയെ അൽതാഫ് വിവാഹ വാഗ്ദാനം നൽകി കേരളപുരത്തും കരിക്കോടുമുളള ബന്ധുവിന്‍റെയും സുഹൃത്തിന്‍റെയും വീടുകളിൽ വച്ച് ലൈംഗികമായി പീഡിപ്പിക്കുകയായിരുന്നു. ഗർഭിണിയായ യുവതി സ്വകാര്യ ആശുപത്രിയിൽ ചികിത്സ തേടുകയും താൻ ഗർഭിണിയാണെന്നും വിവാഹം ഉടൻ നടത്തണമെന്നും ആവശ്യപ്പെടുകയും ചെയ്തു. എന്നാൽ അൽത്താഫ് യുവതിയുടെ ആവശ്യം നിരാകരിച്ചു.
ഇതേതുടർന്ന് ഗർഭച്ഛിദ്രം നടത്താനായി കൊല്ലത്തെ സ്വകാര്യ ആശുപത്രിയിലെത്തിയ യുവതിയെ ചികിത്സയിലിരിക്കെ ഇവിടെയെത്തിയ അൽത്താഫ് ദേഹോപ്രദവം ഏൽപ്പിക്കാൻ ശ്രമിച്ചിക്കുകയായിരുന്നു. ഇതോടെ യുവതി പോലീസിൽ പരാതി നൽകുകയായിരുന്നു. യുവതിയുടെ പരാതിയുടെ അടിസ്ഥാനത്തിൽ കിളികൊല്ലൂർ ഇൻസ്പെക്ടർ വിനോദിന്റെ നേതൃത്വത്തിലുള്ള സംഘമാണ് പ്രതിയെ പിടികൂടിയത്. കോടതിയിൽ ഹാജരാക്കിയ പ്രതിയെ 14 ദിവസത്തേക്ക് റിമാൻഡ് ചെയ്തു.
Post Your Comments