തിരുവനന്തപുരം: കെ.പി.സി.സി മുന്‍ പ്രസിഡന്‍റും കോണ്‍ഗ്രസ് നേതാവുമായ വി.എം.സുധീരന് പാര്‍ട്ടി രാഷ്ട്രീയകാര്യസമിതിയില്‍ നിന്ന് രാജിവെച്ചു. നേതൃത്വങ്ങളോടുള്ള കടുത്ത അതൃപ്തിയെത്തുടർന്നാണ് രാജിയെന്നാണ് സൂചന. പ്രസിഡന്‍റ് കെ.സുധാകരന് രാജിക്കത്ത് കൈമാറികൊണ്ടായിരുന്നു രാജി. കേരള രാഷ്ട്രീയ ചരിത്രത്തിൽ കോൺഗ്രസിനെ വീണ്ടും വലിയ പ്രതിസന്ധികളിലേക്കാണ് ഈ രാജി നയിക്കുന്നത്. ഇതിനോടകം തന്നെ 11 നേതാക്കളാണ് പാർട്ടി വിട്ടു പുറത്തു പോയിട്ടുള്ളത്.
കെ.പി.സി.സി പുനഃസംഘടനയുമായി ബന്ധപ്പെട്ട് പാർട്ടിയിൽ നടന്ന പൊട്ടിത്തെറികളുടെ ഭാഗമാണ് രാജിയെന്ന് മാധ്യമങ്ങൾ റിപ്പോർട്ട്‌ ചെയ്യുന്നു. എന്നാൽ ശാരീരിക അസ്വസ്ഥതകളുണ്ടെന്ന് വി എം സുധീരൻ സുധാകരനെ ഫോണില്‍ വിളിച്ച് അറിയിച്ചിട്ടുണ്ടായിരുന്നു. സുധാകരന്റെ നഷ്ടം പാർട്ടിയുടെ മുന്പോട്ടുള്ള പോക്കിനെ ബാധിക്കുമെന്ന് രാഷ്ട്രീയ നിരീക്ഷകർ വിലയിരുത്തുന്നു.
അതേസമയം, രാജി വച്ചെങ്കിലും കോണ്‍ഗ്രസിന്‍റ സാധാരണ പ്രവര്‍ത്തനകനായി തുടരുമെന്ന് വി.എം.സുധീരന് പറഞ്ഞു. പുനഃസംഘടനയുമായി ബന്ധപ്പെട്ട് സുധീരന് കടുത്ത അതൃപ്തിയുണ്ടെന്നും, പുനഃസംഘടനയില്‍ മുതിര്‍ന്ന നേതാക്കളുടെ അഭിപ്രായം പാര്‍ട്ടി പരിഗണിക്കാത്തതാണ് കാരണമെന്നും മാധ്യമങ്ങൾ റിപ്പോർട്ട്‌ ചെയ്യുന്നു.
Post Your Comments