മുംബൈ: സിനിമയിൽ അവസരം തരാമെന്ന് വാഗ്ദാനം ചെയ്ത് യുവതികളെ സെക്സ് റാക്കറ്റിന്റെ കെണിയിൽ പെടുത്തിയ യുവാവ് പോലീസ് പിടിയിൽ. സിനിമമോഹികളായ അനേകം യുവതികളെയാണ് ഇയാൾ ഇത്തരത്തിൽ ചതിയിൽ പെടുത്തിയിട്ടുള്ളത്.
സംഭവത്തിന്റെ അടിസ്ഥാനത്തിൽ മുംബൈ ക്രൈംബ്രാഞ്ചാണ് 28കാരനായ നിതിന്‍ നവീന്‍ സിങ്ങിനെ അറസ്റ്റ് ചെയ്തത്. ചതിയില്‍ പെട്ടവരിൽ പ്രായപൂര്‍ത്തിയാകാത്ത രണ്ട് പെണ്‍കുട്ടികളും ഉണ്ടായിരുന്നു. ഇവരെ പൊലീസ് അതിസാഹസികമായി രക്ഷപെടുത്തുകയായിരുന്നു. ഡമ്മി കസ്റ്റമറെ ഉപയോഗിച്ചായിരുന്നു ക്രൈംബ്രാഞ്ച് ഇന്‍സ്പെക്ടര്‍ യുവാവിനെ പിടികൂടിയത്.
ഇടപാടുകാരില്‍ നിന്ന് അഞ്ച് ലക്ഷം രൂപ വരെ വാങ്ങുന്ന പ്രതി 20,000 രൂപ വീതമാണ് പെണ്‍കുട്ടികള്‍ക്ക് നല്‍കിയിരുന്നതെന്നും പൊലീസ് പറഞ്ഞു. ഇത്തരത്തിൽ അനേകം പേർ മുംബൈ നഗരത്തിൽ കുടുങ്ങിക്കിടക്കുന്നുണ്ടെന്നും അന്വേഷണം വ്യാപിപ്പിക്കുമെന്നും ക്രൈംബ്രാഞ്ച് അറിയിച്ചിട്ടുണ്ട്.
Post Your Comments