അനുസരണക്കേട് കാണിച്ച് ദുരന്തം വിളിച്ചു വരുത്താൻ കേരളം: രോഗികൾ പെരുകുമ്പോഴും കേന്ദ്ര നിർദ്ദേശങ്ങൾ പാലിക്കുന്നില്ല

ന്യൂ​ഡ​ല്‍​ഹി: സംസ്ഥാനത്ത് കോ​വി​ഡ്​​ കേ​സു​ക​ള്‍ ദിനം പ്രതി അപകടകരമായ രീതിയിൽ ഏ​റ്റ​വും അ​ധി​കം റി​പ്പോ​ര്‍​ട്ട്​ ചെ​യ്യു​മ്പോഴും​ കേ​ന്ദ്ര​നി​ര്‍​ദേ​ശ​ങ്ങ​ള്‍ പാ​ലിക്കാൻ കേരളം തയ്യാറാകുന്നില്ലെന്ന വിമർശനവുമായി കേന്ദ്ര ആരോഗ്യ മന്ത്രാലയം. നിലവിൽ കേരളത്തികുണ്ടായിട്ടുള്ള കോ​വി​ഡ്​ വ്യാ​പ​നം അ​യ​ല്‍ സം​സ്​​ഥാ​ന​ങ്ങ​ളെയും ബാധിക്കുന്നുണ്ടെന്നും കേന്ദ്രം അഭിപ്രായപ്പെട്ടു.

Also Read:വൃക്കകളെ സംരക്ഷിക്കാൻ ‘മാതള ജ്യൂസ്’

കോവിഡ് വ്യാപനം അതിരൂക്ഷമായിത്തന്നെ തുടരുകയാണ്. ദിനം പ്രതി മുപ്പത്തിനായിരത്തിലധികം രോഗികളാണ് റിപ്പോർട്ട്‌ പ്രകാരം കേരളത്തിൽ രൂപപ്പെടുന്നത്. 14 ശ​ത​മാ​നം മു​ത​ല്‍ 19 ശ​ത​മാ​നം വ​രെ​യാ​ണ്​ കേ​ര​ള​ത്തി​ലെ പ്ര​തി​വാ​ര ടെ​സ്​​റ്റ്​ പോ​സി​റ്റി​വി​റ്റി​ നി​ര​ക്ക്​ (ടി.​പി.​ആ​ര്‍). എ​ന്നാ​ല്‍, ദേ​ശീ​യ​ത​ല​ത്തി​ല്‍ ഇ​ത്​ മൂ​ന്ന്​ ശ​ത​മാ​ന​ത്തി​ല്‍ താ​ഴെ​യാ​ണെന്ന് റിപ്പോർട്ടുകൾ സൂചിപ്പിക്കുന്നു. നിലവിലെ കോ​വി​ഡ്​ വ്യാ​പ​നം നി​യ​ന്ത്ര​ണ​വി​ധേ​യ​മാ​ക്കാ​ന്‍ കേ​ര​ളം ന​ല്ല രീ​തി​യി​ല്‍ ലോ​ക്​​ഡൗ​ണ്‍ ന​ട​പ്പി​ലാ​ക്കേ​ണ്ട​തു​ണ്ടെന്നാണ് കണ്ടെത്തൽ.

വീടുകളിൽ ഇരിക്കുന്ന രോഗികളിൽ ആരും തന്നെ കൃത്യമായ കോവിഡ് മാനദണ്ഡങ്ങൾ പാലിക്കാറില്ല. രോഗമുക്തരായവർ പോലും പിന്നീട് വേണ്ട സുരക്ഷാ ക്രമീകരങ്ങൾ ഒന്നും തന്നെ ചെയ്യുന്നില്ലെന്നുമാണ് കണ്ടെത്തൽ.