തിരുവനന്തപുരം: യാത്രക്കാരുടെ ആവശ്യമനുസരിച്ച്‌ ഓണക്കാലത്ത് കെഎസ്ആര്ടിസി കൂടുതല്‍ സര്‍വിസ് നടത്തുമെന്ന് അധികൃതർ വ്യക്തമാക്കി. ആഗസ്റ്റ് 19 മുതല്‍ 23 വരെ തുടര്‍ച്ചയായി അവധി ദിവസങ്ങൾ ആയതിനാൽ യാത്രാക്കാരുടെ തിരക്കിന് അനുസരിച്ച്‌ കോവിഡ് മാനദണ്ഡങ്ങള്‍ക്ക് വിധേയമായി എല്ലാ ഡിപ്പോകളില്‍നിന്നും സര്‍വിസ് നടത്തും. ദീര്‍ഘദൂര സര്‍വിസുകളില്‍ റിസര്‍വേഷന്‍ സൗകര്യവും ഏര്‍പ്പെടുത്തിയിട്ടുണ്ടെന്നും അധികൃതര് അറിയിച്ചു.
യാത്രക്കാരുടെ തിരക്കനുസരിച്ച്‌ ആഗസ്റ്റ് 18 ന് മുഴുവന്‍ സര്‍വിസും നടത്തും. ആഗസ്റ്റ് 15, 22 ദിവസങ്ങളില്‍ ലോക്ഡൗണ്‍ നിയന്ത്രണങ്ങള്‍ ഒഴിവാക്കിയതിനാല്‍ യാത്രക്കാരുടെ തിരക്കനനുസരിച്ച്‌ ആവശ്യമായ സര്‍വിസ് നടത്തും. ദീര്‍ഘദൂര ബസുകൾക്ക് കൂടുതല്‍ യാത്രാക്കാരുണ്ടെങ്കില്‍ എന്‍ഡ് ടു എന്‍ഡ് ഫെയര്‍ നിരക്കില്‍ കൂടുതല്‍ സര്‍വിസുകള്‍ നടത്തുമെന്നും അധികൃതർ അറിയിച്ചു.
Post Your Comments