മുംബൈ സർവകലാശാലയ്ക്ക് ബോംബ് ഭീഷണി

മുംബൈ: മുംബൈ സർവകലാശാലയ്ക്ക് നേരെ ബോംബ് ഭീഷണി. പരീക്ഷാ ഫലം വൈകുന്നതിനാലാണ് മുംബൈ സർവ്വകലാശാലയ്ക്ക് ഭീഷണി സന്ദേശം ലഭിച്ചത്.ബിഎ, ബിഎസ്സി,ബികോം എന്നിവയുടെ പരീക്ഷാഫലം പുറത്തുവിടാൻ ആവശ്യപ്പെട്ടാണ് ബോംബ് ഭീഷണിയെന്ന് മുംബൈ സർവകലാശാല അധികൃതർ അറിയിച്ചു.

Read Also: ഒരു വര്‍ഷം നീണ്ടുനില്‍ക്കുന്ന അമൃത് മഹോത്സവം, 1800 പരിപാടികൾ: 75-ാം സ്വാതന്ത്ര്യദിന ആഘോഷങ്ങൾക്ക് രാജ്യം ഒരുങ്ങുന്നു

ഇ-മെയിൽ വഴിയാണ് ബോംബ് ഭീഷണി ലഭിച്ചത്. സംഭവത്തിൽ ബാന്ദ്ര കുർല കോംപ്ലക്സ് പോലീസ് സ്റ്റേഷനിൽ സർവകലാശാല അധികൃതർ പരാതി നൽകി. ഐപി ആഡ്രസ് കണ്ടെത്തി ഇ-മെയിലുകളുടെ ഉറവിടം കണ്ടെത്താനുളള ശ്രമം പോലീസ് ആരംഭിച്ചു.

ബികോമിന്റെയും ബിഎസിയുടെയും അവസാന വർഷ സെമസ്റ്റർ ഫലങ്ങൾ മുംബൈ സർവകലാശാല ജൂലൈയിൽ പുറത്തിറക്കിയിരുന്നു. എന്നാൽ കൊറോണ വ്യാപനം കാരണം ഒന്നാം വർഷ പരീക്ഷാ നടത്തിപ്പും ഫലപ്രഖ്യാപനവും വൈകി. ഇതാണ് ഭീഷണിയ്ക്ക് കാരണമെന്നാണ് അധികൃതർ അറിയിക്കുന്നത്.

Read Also: പുരുഷന്മാരില്ലാതെ മാർക്കറ്റിൽ പ്രവേശിക്കരുത്, പാദം മൂടുന്ന ചെരുപ്പ് നിർബന്ധം: നിയന്ത്രണം കടുപ്പിച്ച് താലിബാൻ