തിരുവനന്തപുരം : യൂട്യൂബ് വ്ലോഗർമാരായ ഇ–ബുൾ ജെറ്റ് സഹോദരങ്ങളുടെ അറസ്റ്റിൽ വിമർശിച്ചും അനുകൂലിച്ചും നിരവധി പേർ രംഗത്തെത്തിയിരുന്നു. ഇപ്പോഴിതാ, സംഭവത്തിൽ ഇ–ബുൾ ജെറ്റ് സഹോദരങ്ങളുടെ ഒരു ആരാധകൻ തന്നെ വിളിച്ചതില്‍ പ്രതികരണമെന്നോണം നടനും കൊല്ലം എംഎൽഎയുമായ മുകേഷ് രംഗത്തെത്തിയിരിക്കുകയാണ്.
ഇ- ബുള്‍ ജെറ്റ് വിഷയത്തില്‍ ഇടപെടണമെന്ന് ആവശ്യപ്പെട്ടാണ് ആരാധകൻ മുകേഷിനെ വിളിച്ചിരിക്കുന്നത്. എന്നാല്‍ സംഭവം എന്തെന്ന് മുകേഷിന് മനസിലായില്ല. ‘ഇ–ബുൾ ജെറ്റ്’ എന്ന് വിളിച്ചയാൾ മൂന്നോ നാലോ തവണ പറയുന്നുണ്ടെങ്കിലും ഇ ബഡ്ജറ്റെന്നും ഇ ബുള്ളറ്റെന്നുമൊക്കെയാണ് മുകേഷ് കേട്ടത്. വിളിച്ച ആൾ കോതമംഗലത്തുനിന്നായതിനാൽ നിങ്ങൾ കോതമംഗലം ഓഫീസിൽ പറയു എന്നും മുകേഷ് പറയുന്നുണ്ട്.
ഒടുവില്‍ മുകേഷ് കാര്യം മനസിലാക്കുകയും താൻ അന്വേഷിക്കട്ടെ എന്ന് പറയുകയും ചെയ്യുന്നുണ്ട്.
Read Also : സംസ്ഥാനത്ത് ശക്തമായ മഴ : ഇന്ന് ഏഴ് ജില്ലകളില്‍ യെല്ലോ അലേര്‍ട്ട്
എന്തായാലും ഈ ഫോൺവിളിയും സമൂഹമാധ്യമങ്ങളിൽ വൈറലായി. രസകരമായ സംഭാഷണം പ്രേക്ഷകരും ഏറ്റെടുത്തു. ഇപ്പോഴിതാ ഈ സംഭവുമായി ബന്ധപ്പെട്ട ട്രോൾ പങ്കുവെച്ചിരിക്കുകയാണ്മുകേഷ്. ‘ഓരോരോ മാരണങ്ങളെ… നല്ല ട്രോൾ’.–ട്രോൾ പങ്കുവച്ച് മുകേഷ് കുറിച്ചു.
‘കേരളത്തിൽ നടക്കുന്ന സകല പ്രശ്നങ്ങളും പരിഹരിക്കാൻ നാട്ടുകാർ തന്നെ വിളിക്കുന്ന കാണുന്ന മുകേഷേട്ടൻ…ഇതൊക്കെ എന്തിനാടാ എന്നോട് പറയുന്നേ’–ഇതായിരുന്നു ട്രോളിലെ ഡയലോഗ്.
Post Your Comments